Weera
| Wehra | ||
 D Weera im schluchtartigè Mittellauf | ||
| Date | ||
|---|---|---|
| Gwässerkennzaal | DE: 2314 | |
| Laag | Badè-Württèbärg, Dütschland | |
| Flusssystem | Rhy | |
| Abfluss über | Rhy → Nordsee | |
| Quelle | Im Berglewald vo Todtmoos, öschtlich vom Ortszèntrum 47° 45′ 1,4″ N, 8° 1′ 47,1″ O | |
| Quellhöchi | öppè 1.080 m ü. NN | |
| Mündig | Bi Brennet, Stadt Weer i dè HochrhyKoordinate: 47° 34′ 55″ N, 7° 54′ 13″ O 47° 34′ 55″ N, 7° 54′ 13″ O | |
| Mündigshöchi | öppè 283 m ü. NN | |
| Höchiunterschiid | ca. 797 m | |
| Lengi | 25,9 km(mit Rüttèbach: 27,8 km) | |
| Iizugsgebiet | 114,8 km²[1]
| |
| Abfluss[1] | MNQ MQ MHQ |
680 l/s 3,71 m³/s 32,84 m³/s |
| Rächti Nääbeflüss | Rüttèbach (Hauptfluss), Rotmoosbach, Brandbach, Hasèl | |
| Stausee | Weeradalschpèrri | |
| Chliistedt | Weer | |
| Gmeinde | Todtmoos, Herrischrièd, Gerschbach | |
D Weera isch èn Fluss im sûdweschtlichè Sûdschwarzwald z Badè-Württèbörg un èn rächtè Nebbèfluss vom Hochrhy.
Geografischi Laag un Topografy
[ändere | Quälltäxt bearbeite]S Dal vo dè Weera isch durch è markanti Dreideilig kennzeichnèt. Dè Obberlauf isch ei für dè Schwarzwald tûpischs Hòchdal, abber mit 200 bis 300 Metèr Düèfi abber dütlich mee Relièf wiè diè öschtlich benõchbõrtè Hochdäler vom Hotzèwald. Si Zèntrum isch dè Ort Todtmoos, wellè dè gröscht Deil vom Dalboddè uusfüllt, woby s uffällig übberformte Dal von eiszitlichè Glètscher gformt worrè isch. In irem Mittellauf schnydet d Weera è bis zu mee als 400 Meter düèfi Schlucht i d Südweschtflankè vom Schwarzwald. Diè bewaldetè gächè Haaldè sin von deilwys fascht 100 Meter hochè Felswänd durchsetzt. Dè gfällryche Fluss bildet dört è übberregional bekannti, extreem schwirige Wildwasserstreggi. Dè öppè sibbè Kilometer lange unterschte Dalabschnitt drènnt diè kaum glidertè, steile, guèt 500 Meter hoche Weschtflankè vom Hotzèwald vom stark vokarschtetè Plateau vom Dinkelbärg, wo weschtlich vom Weeradal nu guèt 100 Meter aaschtygt. Hauptort vo sellem breitè Dal isch diè chly Induschtryschtadt Weer, welli abber mee un mee touristisch brägt isch. Bim Stadtdeil Brennet mündet d Weera i dè Hochrhy, no in Sichtwite vo dè rhyobsi ligendè Stadt Säckingè.
Hûdrografy
[ändere | Quälltäxt bearbeite]D Weera entwässerèt è schmals, lang gschtreggts, öppè 115 km² umfassends Yzugsgebièt, welles mit Uusnaam vom öppè 13 Kilometer langè Haselbach, nu kurzi, meischtens zwei bis vir Kilometer langi Nebbèbäch zuèlõt. D Hochwassergfõr, wo s steile Relièf un hochi Flièßgschwindigkeitè un dè dichte Untergrund vom krischtallinè Grundgebirge mit sich bringt, wörd durch d Form vom Yzugsgebièt öppis gmilderèt.
Dè Hauptquèllascht vo dè Weera isch dè Rüttebach, mit dèmm sich dè namentlichi Quèllfluss, dört au Hochweera benamst, z Todtmoos voeint. Er hèt fascht diè virfachi Wasserfüèrig un mit 4,3 km diè doppelt Längi vo dè Hochweera. Dè Rüttebach bildet obberhalb s Dalbeggi vo Hintertodtmoos è Folg vo Wasserfäll, so wiè au vill vo dè Nebbèbäch a dè Wannèdalkantè vom Weeradal Schluchtè un Wasserfäll bildet.
Diè wichtigschtè Quèlläscht vo dè Weera sin:
- Hochweera (bis zu dè Voeinigung mit èm Rüttibach 2,4 km), entschpringt uff öppè 1.080 m ü. NN unterhalb vom Buggel Schwarzè Stock (1.168 m ü. NN) im Nordoschtè vo Todtmoos.
- Rüttibach (4,3 km), entschpringt uff öppè 1.140 m ü. NN im Nordoschtè vo Hintertodtmoos
- Sägibach (3 km), mündet z Todtmoos-Höfle i dè Rüttibach, entschpringt uff öppè 1.100 m ü. NN weschtlich vo Todtmoos-Wäg
- Todtèbach (3,5 km), mündet z Todtmoos i d Weera, Quèllè uff öppè 1.130 m ü. NN weschtlich vo Todtmoos-Lehè
Witeri erwähnenswerti Nebbèflüss sin:
- Rotmoosbach (4,4 km), mit uusdeentè aaltè Wyßdannèbeschtänd
- Brandbach, im Übberlauf Gerschbach (4,2 km), mündet nõch eim sibbè Meter hochè Wasserfall bi Gerschbach-Au
- Hasèl (13 km), entschpringt zwischè Wysè- un Weeratdl, flièßt im Berych vo dè Erdmannshöhlè bi Hasèl teilwys unterirdisch und im Stadtgebièt vo Weer barallel zu dè Weera
A dè Mündig i dè Hochrhy hèt d Weera èn mittlerè Abfluss von 3,71 m³/s.[1]
Erschlièßig
[ändere | Quälltäxt bearbeite]Dè Unterlauf vom Weeradal wörd durch d B 518 erschlossè, wo vo dè B 34 bi dè Weeramündig hèr dè Höger zu dè Wysè übberqueert un z Schopfè vo dè B 317 uffgnõ wörd.
Dè Obberlauf vom Weeradal mit dè Weeraschlucht wörd durch d Landesstrõß 148 erschlossè, wo vo dè B 518 bi Weer chunnt, durch d Schlucht bis gu Todtmoos füürt und dört i d L 151 mündet, wo s Dal durchquert. Vo Todtmoos füürt d L 150 witer durch s Dal, i dèmm diè „offizièll“ Weeraquellè lyg, übber diè Höchè vom Buggel is Albdal gu St. Bläsy.
D L 151 volauft im Weschtè durch s Sägibachdal. Zwischè Todtmoos un Hintertodtmoos füürt vo dè L 151 abgängig d L 146 witer durch s Rüttibachdal.
Entlang vom Weeradal füüre d Wanderwäg Schluchtèschteig un Weeradal-Erlèbnispfàd.[2] Vo Todtmoos bis Todtmoos-Au chrützt dè Glasdrägerwäg.[3]
Wasserchraft
[ändere | Quälltäxt bearbeite]Am Ènd vo dè Weeraschlucht, öppè 7,5 km obberhalb vo dè Mündig, lyt dè Weera-Stausee uff èrè Höchi vo circa 420 m ü. NHN. Uff èrè Längi von öppè 1,35 km wörd dört d Weera für d Wasserchraftgwinnig in Vobindig mit dè Hornbärgschtufè (Hornbärgbeggi, ugfäär uff 1.050 m ü. NHN) gschtaut.
Weblingg
[ändere | Quälltäxt bearbeite]
Commons: Wehra – Sammlig vo MultimediadateieEinzelnõchwys
[ändere | Quälltäxt bearbeite]- ↑ 1,0 1,1 1,2 Büro Hydrosond, Büro E. Kunk: PSW Atdorf, Fachgutachten Hydrogeologie und Thermalquellen Bad Säckingen (PDF; 2,3 MB), 2010, S. 39
- ↑ Stadt Wehr - Wehratal-Erlebnispfad. Archiviert vom Original am 14. Dezember 2013; abgruefen am 20. Juli 2013.
- ↑ Verlauf des Glasträgerweges im Südschwarzwald. Abgruefen am 20. Juli 2013.
|
Dä Artikel basiert uff ere fräie Übersetzig vu dere Version vum Artikel „Wehra“ vu de dütsche Wikipedia. E Liste vu de Autore un Versione isch do z finde. |