Schlacht bi Akroinon

Datum	740
Ort	Akroinon, in dr Nööchi vom hütige Afyon z Anatolie
Usgang	Entschäidende byzantinische Siig

Schlacht bi Akroinon
	Deil vo: Arabischi Expansioon
	; Usdeenig vom Byzantinische Riich um 717
Datum	740
Ort	Akroinon, in dr Nööchi vom hütige Afyon z Anatolie
Usgang	Entschäidende byzantinische Siig
Konfliktparteie
S Byzantinische Riich	S Kalifat vo de Umayyade
Befählshaber
Kaiser Leo III.; Chroonbrinz Konstantin (V.)	al-Malik ibn Su'aib †; 'Abdallah al-Battal †
Truppesterki
umbekannt	20'000 (noch em Theophanes)
Verlust
umbekannt	öbbe 13'000 (noch em Theophanes)

In dr Schlacht bi Akroinon im Joor 740 het s Byzantinische Riich die islamische Araber gschlaage. D Schlacht het bi Akroinon (Acroënus z Früügie, in dr Nööchi vom hütige Afyon in Westanatolie) stattgfunde.

Noch dr abverheite Belaagerig vo Konstantinopel 718, wo si iiri Flotte verloore häi, häi d Araber scho bald s Byzantinische Riich wider afo aagriffe und häi vo 726 aa jedes Joor Blünderigszüüg in Chläiasie gmacht, häi Caesarea bsetzt und Nicäa belaageret. Wil dr Friidensverdraag, wo si 716 mit de Bulgare abgschlosse häi, immer no ghebt het, häi d Byzantiner 740 iiri Drubbe in Chläiasie chönne konzentriere. Es het ene au ghulfe, ass d Chasare, wo mit ene verbündet gsi si, im Kaukasus und z Armenie d Araber aaggriffe häi.^[1]

Dr Kaiser Leo III. het persöönlig s Kommando über die byzantinischi Armee übernoo, zämme mit sim Soon Konstantin. Bi Akronion si si uf die arabischi Armee vom umayyadische Kalif Hischam droffe, wo vom al-Malik ibn Su'aib und 'Abdallah al-Battal aagfüert worde isch^[2].

Si häi d Araber entschäidend gschlaage, und bäidi arabischi Befäälshaaber si im Kampf gfalle.^[2] Dr 'Abdallah al-Battal isch spööter in arabische und türkische Eepe über d Kämpf vom Kalifat mit Byzanz in d Figuur vom Battal Gazi verwandlet worde.^[3]

Noch däm klaare Siig häi d Byzantiner d Araber us Chläiasie chönne verdriibe. Acht Joor noch dr Schlacht vo Tour und Poitiers isch die islamischi Expansioon au im Oste für meereri Joorhundert stillgstande, bis im 11. Joorhundert mit de türkische Seldschuke e nöiji islamischi Armee an dr Ostgränze vom Riich erschiine isch.

Kwelle

D Schlacht wird in dr Chronik vom byzantinische Chronist Theophanes (A.M. 6231) beschriibe.^[4]

Fuessnoote

↑ Vgl. Georg Ostrogorsky: Geschichte des Byzantinischen Staates. C.H.Beck, München 1963, ISBN 978-3-406-01414-7, S. 131.
↑ ^2,0 ^2,1 Vgl. Friedhelm Winkelmann: Prosopographie der mittelbyzantinischen Zeit. Erste Abteilung (641–867). De Gruyter, Berlin 2000, ISBN 3-11-016673-9, S. 127.
↑ Friedhelm Winkelmann: Prosopographie der Mittelbyzantinischen Zeit: Erste Abteilung (641–867). 1. Band, De Gruyter, Berlin 1999, ISBN 3-11-015179-0, S. 5.
↑ Vgl. z. B. Leopold Breyer: Bilderstreit und Arabersturm in Byzanz. Das 8. Jahrhundert (717–813) aus der Weltchronik des Theophanes. (Byzantinische Geschichtsschreiber. Band 6.) Styria, Graz 1964. [Übersetzig vo dr Chronik vo 717 aa.]

Dä Artikel basiert uff ere fräie Übersetzig vum Artikel „Schlacht_bei_Akroinon“ vu de dütsche Wikipedia. E Liste vu de Autore un Versione isch do z finde.

[1] Vgl. Georg Ostrogorsky: Geschichte des Byzantinischen Staates. C.H.Beck, München 1963, ISBN 978-3-406-01414-7, S. 131.

[Winkelmann-2] 2,0 ^2,1 Vgl. Friedhelm Winkelmann: Prosopographie der mittelbyzantinischen Zeit. Erste Abteilung (641–867). De Gruyter, Berlin 2000, ISBN 3-11-016673-9, S. 127.

[3] Friedhelm Winkelmann: Prosopographie der Mittelbyzantinischen Zeit: Erste Abteilung (641–867). 1. Band, De Gruyter, Berlin 1999, ISBN 3-11-015179-0, S. 5.

[4] Vgl. z. B. Leopold Breyer: Bilderstreit und Arabersturm in Byzanz. Das 8. Jahrhundert (717–813) aus der Weltchronik des Theophanes. (Byzantinische Geschichtsschreiber. Band 6.) Styria, Graz 1964. [Übersetzig vo dr Chronik vo 717 aa.]

[1]

[2]

[3]

[4]