S Myon und si Antidäili, s Antimyon
|
Myon (μ−) | |
|---|---|
| Klassifikazioon | |
| Elementarteilchen Fermion Lepton | |
| Äigeschafte [1] | |
| Laadig | −1 e (−1,602 · 10−19 C) |
| Masse | 0,113 428 9267(29) u 1,883 531 475(96) · 10−28 kg 206,768 2843(52) · me 105,658 3715(35) MeV/c2 |
| Compton-Wällelengi | 11,734 441 03(30) · 10−15 m |
| magnetischs Momänt | −4,490 448 07(15) · 10−26 J / T |
| g-Faktor | −2,002 331 8418(13) |
| Spin | 1/2 |
| mittleri Lääbensduur | 2,196 9811(22) · 10−6[2] s |
S Myon (uf Änglisch Muon) isch en Elementardäili, wo em Elektron äänelet, aber e Masse het, wo öbbe 200 mol gröösser isch (105,6 MeV/c2 statt 0,511 MeV/c2). Wie s Elektron isch s mit ere Elementarlaadig negativ glaade und het e halbzaalige Spin. Uf bäidi würkt die elektroschwachi aber nit die starki Wäggselwirkig. S Formlesümbol vom Myon isch .
Im Standardmodäll si s Elektron und s Myon verwandti Däili. Bäidi ghööre zur Klass vo de Leptone, nume dass das s Elektron zur erste vo de drei Familie ghöört und s Myon zur zwäite. S entsprächende Däili us dr dritte Familie, s τ-Lepton, isch au scho gfunde worde. S Antidäili vom Myon, s positive Myon oder Antimyon , isch wie s Positron äifach positiv glaade.
D Myone si 1936 vom Carl D. Anderson und Seth Neddermeyer entdeggt worde, wo si die kosmischi Straalig undersuecht häi. Mit Hoochenergii-Däilibeschlüüniger cha mä sä kunstlig erzüüge.
Bis in d 1960er Joor het men em Myon My-Meson gsäit; „Meson“ het denn äifach e „Däili mit ere Masse zwüschen em Elektron und Proton“ bedütet.
Weblingg
[ändere | Quälltäxt bearbeite]- Video us Vorlääsigen vo dr Universidäät Tübinge über d Zitdilatazion und u. a. über s Myon
- (EN) Integrated Infrastructure Initiative for Neutron Scattering and Muon Spectroscopy (NMI3) - a European consortium of 18 partner organisations from 12 countries, including all major facilities in the fields of neutron scattering and muon spectroscopy
Fuessnoote
[ändere | Quälltäxt bearbeite]- ↑ Us dr Veröffentligung vo dr CODATA Task Group on Fundamental Constants: CODATA Recommended Values. National Institute of Standards and Technology, abgruefen am 27. Februar 2014 (englisch).
- ↑ J. Beringer et al. (Particle Data Group): 2013 Review of Particle Physics. In: Physical Review D. Bd. 86, 2012, 010001 und 2013 partial update for the 2014 edition. Particle Data Group, archiviert vom Original am 26. Februar 2014; abgruefen am 26. Februar 2014 (englisch).
|
Dä Artikel basiert uff ere fräie Übersetzig vum Artikel „Myon“ vu de dütsche Wikipedia. E Liste vu de Autore un Versione isch do z finde. |