John Forbes Nash Jr.

Dr John Forbes Nash

Dr John Forbes Nash, Jr. (* 13. Juni 1928 z Bluefield, West Virginia; † 23. Mai 2015 in dr Nööchi vo Monroe Township, New Jersey) isch en amerikanische Mathematiker gsi, wo bsundrigs in de Beriich vo dr Spiiltheorii und dr Differenzialgeometrii und uf em Gebiet vo de partielle Differenzialgliichige gschafft het. Im Joor 1994 het er zämme mit em Reinhard Selten und em John Harsanyi dr Wirtschaftsnobelbriis für die gmäinsame Läistige uf em Gebiet vo dr Spiiltheorii überchoo. Dr Nash isch äine vo numen e baar Mathematiker, wo dä Briis überchoo häi. 2015 het er dr Abelbriis, äine vo de wichdigste Wüsseschaftsbriis uf em Gebiet vo dr Mathematik, überchoo.

Dr Nash isch im Alter vo drissgi an Schizofrenii chrank worde. Am Aafang vo de 1990er Joor het er sich vo dr Chranket erhoolt. Si Gschicht isch am Ändi vo 2001 eme bräitere Publikum dur dr briiskrönti Spiilfilm A Beautiful Mind bekannt worde.

Schrifte

• Mit em Edward Elgar (Hrsg.): Essays on Game Theory. 1996, ISBN 1-85898-426-2
• The essential John Nash, uusegee vom Harold W. Kuhn und dr Sylvia Nasar, Princeton University Press, 2002, ISBN 0-691-09527-2

Litratuur

• John Milnor: John Nash and „A Beautiful Mind“. (PDF; 116 kB) In: Notices of the AMS. November 1998
• Sylvia Nasar: Genie und Wahnsinn. Das Leben des genialen Mathematikers John Nash. 9. Auflage, Piper Verlag, München 2005, ISBN 3-492-23674-X (Original: A beautiful mind, Simon and Schuster 1998)
• Tom Siegfried: A Beautiful Math: John Nash, Game Theory and the modern quest for a code of nature, Washington D. C., Joseph Henry Press 2006

Uszäichnige

• 1951: Moore-Instructor
• 1956/57: Sloan Fellow
• 1978: John-von-Neumann-Theorie-Preis (zämme mit em Carlton E. Lemke)
• 1994: Wirtschaftsnobelbriis (zämme mit em Reinhard Selten und em John Harsanyi)
• 1999: Leroy P. Steele Prize (zämme mit em Michael Crandall)
• 2002: O. Spurgeon English Humanitarian Award (zämme mit andere)
• 2015: Abelpreis (zämme mit em Louis Nirenberg)

Dr Nash isch Eeredokter vo dr Universität Athen und dr Carnegie Mellon University z Pittsburgh. Er isch in d National Academy of Sciences gweelt worde und isch e Fellow vo dr American Mathematical Society gsi.

Weblingg

 Commons: John Forbes Nash Jr. – Album mit Multimediadateie

• Seeley G. Mudd Manuscript Library – Under anderem si Dissertazion as PDF
• Mathematik zwischen Genie und Wahnsinn – zum 80. Geburtstag von John Nash
• "John Nash, ‘A Beautiful Mind’ Subject and Nobel Winner, Dies at 86", Erica Goodemay, New York Times, 24.05.2015
• Autobiographie von John Nash
• Rede am MIT von Nash-Biografin Dr. Sylvia Nasar: „A Beautiful Mind: Genius, Madness, Reawakening“
• Publikationsliste

Dä Artikel basiert uff ere fräie Übersetzig vum Artikel „John_Forbes_Nash_Jr.“ vu de dütsche Wikipedia. E Liste vu de Autore un Versione isch do z finde.