Jean-Pierre Baeumler
| Dialäkt: Mìlhüüserdiitsch |
Dr Jean-Pierre Thiébaut Baeumler (* 1. Jüüli 1948 z’ Owerbruck, Owerelsàss; † 22. Janner 2021 z’ Mìlhüüsa) ìsch a frànzeescher Politiker vu dr Soziàlìschta Pàrtäi (PS) gsìì.
sii Laawa un Kàrriar
[ändere | Quälltäxt bearbeite]Dr Jean-Pierre Baeumler ìsch ànna 1948 z’ Owerbruck bii Mìlhüüsa uff d’ Walt kumma. Ar ìsch dr Suhn vum Gàrtner Éloi Baeumler un vu dr Marie-Thérèse Levêque gsìì.
Ar hàt a Lizanz vu dr Gschìcht bschtànda un ìsch d’rnooh Gschìchtslehrer àn mehrera Grund- un Sekundààrschüala gsìì. Schpeeter ìsch’r Sekundààrschüallaiter z’ Schlettschtàdt, Kolmer un Sànkt Àmari gsìì. Z’ Thànn ìsch’r ìn dr Pfààdfìnderbeweegung Jeunes en Marche (JEM) àktiiv gsìì. Ìnnerhàlb vu dr Soziàlìschta Pàrtäi ìsch’r Äärschter Sekretäär vu dr owerelsassischa-n-Àbtailung gsìì. Àn dr Kommünààlwàhl vu 1983 ìsch’r Gmaindaroot vu Thànn worra, un ànna 1989 ìsch’r Bìrgermaischter vu dara Schtàdt worra — doo hàt’r em Pierre Schielé noohgfolgt. Àn dara Schtälla-n-ìsch’r bis ìm März 2014 blììwa. Ar ìsch Vorsìtzender vum Gmaindaverbànd Pays de Thann un schpeeter vum Gmaindaverbànd Thànn-Sanna gsìì. Üsserdam ìsch’r vu 1984 bis 1986 Kàbinättsschäff vum Jean-Marie Bockel gsìì. Vu 1986 bis 1998 ìsch’r Mìtglììd ìm Elsassischa Regionààlroot gsìì; vu 1992 bis 1998 ìsch’r schtällvertrattender Vorsìtzender vum Regionààlroot gsìì.
Àn dr Pàrlamantswàhl vu 1988 ìsch dr Jean-Pierre Baeumler ìsch ìm 7. Wàhlkrais vum Owerelsàss àls Àbgoordnet’r ìn d’ Nàzionààlversàmmlung gwählt worra. Àn dr Wàhl vu 1993 ìsch’r àwwer vum Michel Habig gschlààga worra. Àn dr Wàhl vu 1992 hàt’r dr Habig gschlààga un ìsch nochamol àls Àbgoordnet’r gwählt worra. Àn dr Wàhl vu 2002 ìsch’r vum Michel Sordi gschlààga worra. D’rnooh ìsch’r vu 2004 bis 2010 nochamol Mìtglììd ìm Elsassischa Regionààlroot gsìì.
Dr Jean-Pierre Baeumler ìsch ìm Janner 2021 z’ Mìlhüüsa gschtoorwa.
Àm 28. Jüüni 1974 hàt dr Baeumler z’ Rodera d’ Christine Grandjambeau ghiiroota ghàà. Mìt ìhra hàt’r dräi Kìnder ghàà. Àm 12. Hornung 2000 hàt’r z’ Thànn ìn zwaiter Eha d’ Christine Pauli ghiiroota, mìt wäller ar a Kìnd ghàà hàt.
Lìteràtüür
[ändere | Quälltäxt bearbeite]- André Rohmer: BAEUMLER Jean Pierre. In: Nouveau dictionnaire de biographie alsacienne. Band 43, 2004, S. 4463 (französisch, alsace-histoire.org [abgerufen am 16. April 2023]).
- Isabelle Bollène: Décès. Jean-Pierre Baeumler, pilier haut-rhinois du Parti socialiste. In: L’Alsace. 22. Januar 2021 (französisch, lalsace.fr [abgerufen am 16. April 2023]).
Weblìnks
[ändere | Quälltäxt bearbeite]- dr Jean-Pierre Baeumler ìn dr Àbgoordneta-Dàtabànk vu dr Nàzionààlversàmmlung (frànzeesch)