D Muusig vom Impressionismus

Impression, soleil levant vom Claude Monet

Claude Debussy "Nuages", us Trois Nocturnes. Digital erzügt.

As Muusig vom Impressionismus bezäichnet mä e Stiilrichdig in dr Muusig vo öbbe 1890 bis öbbe 1920. Iire Hauptverdräter isch dr franzöösisch Komponist Claude Debussy gsi.

was dr Impressionismus isch

Grad wie dr Impressionismus in dr Moolerei und dr Litratuur brobiert dr musikalisch Impressionismus Iidrück vo Augeblick darzstelle. Us däm Grund konzentriere sich d Komponiste nit uf d Form vo dr Muusig, so wie s zum Bischbil in dr Wiener Klassik und dr Romantik dr Fall gsi isch, sondern uf s Klangbild. D Ufgoob vo däm Klangbild, äänlig wie die vom ene Bild vo der impressionistische Moolerei, isch s, ass es däm wo zueloost d Stimmig und d Atmosfääre vom ene Augebligg duet vermiddle. Drbii goot s um subjektivi Iidrück und nit um konkreti materielli Äigeschafte. Dur d Bildig und Witerverarbäitig vo dene Klangbilder entstoot e verschwummnigs Gsamtbild, wo mä mäistens käni feste Forme din cha finde

Hauptwärk

es tüpischs impressionistischs Wärk: em Debussy sini Pagodes, us Estampes

• Debussy: Deux Arabesques für Klavier (1888–91)
• Debussy: Prélude à l'après-midi d'un faune (1892–94)
• Debussy: Pelléas et Mélisande, lürischs Drama in fümf Ufzüg und zwölf Bilder mit Orchester noch eme Teggst vom Maurice Maeterlinck (1893–1902)
• Dukas: L'Apprenti sorcier (Dr Zauberleerling) (1897)
• Ravel: Pavane pour une infante défunte (1899; Orchesterfassig 1910)
• Dukas: Sonate es-Moll für Klavier (1900)
• Ravel: Jeux d'eau für Klavier (1901)
• Debussy: Pour le piano (1901–02)
• Debussy: La Mer (1903–05)
• Debussy: Images pour orchestre (1905–12)
• Ravel: Miroirs für Klavier (1904–1905, Orchesterfassig 1906)
• Ravel: Introduktion und Allegro für Harfe, Flöte, Klarinette, zwei Violinen, Viola und Cello (1905)
• Ravel: Gaspard de la nuit für Klavier (1908)
• Ravel: Daphnis et Chloé, Ballettmusik (1909–1912)
• Debussy: Préludes – Livre I (1909–10) und Préludes – Livre II für Klavier (1910–12)
• Dukas: La Péri, Ballett (1911–12)
• Ravel: Klaviertrio a-Moll (1914)
• Debussy: Études (1915)
• Ravel: La Valse, choreografischs Gedicht für Orchester (1919–1920)
• Ravel: Chansons madécasses, Liederzüklus für Sopran, Flöte, Cello und Klavier noch Teggst vom Evariste-Désiré Parny de Forges (1925–1926)

Lueg au

• Impressionismus

Litratuur

• Heinz Tiessen: Der neue Strom. III. Impressionismus in der Musik, in: Melos, Bd. 1, 1920, S. 78-82 n83 – Internet Archive
• Hugo Riemann: Riemann Musik Lexikon, B. Schott’s Söhne, Mainz 1967, S. 389-390 (online)
• Hermann Grabner: Allgemeine Musiklehre, Bärenreiter, Kassel 1974, S. 141-145.
• Gerhart von Westermann: Knaurs Opernführer, Wiener Verlag, Wien 1969.
• Heinrich Lindlar: Meyers Handbuch über die Musik, Bibliographisches Institut AG, Mannheim 1966.
• Kurt Pahlen: Musikgeschichte der Welt, Orell Füssli Verlag, Zürich.