D Freihäitsstatue z Nöi York

Dä Artikel isch über d Freihäitsstatue z Nöi York. Für anderi Freihäitsstatue lueg doo.

D Freihäitsstatue z Nöi York (änglisch Statue of Liberty, offiziell Liberty Enlightening the World, au Lady Liberty; franzöösisch La Liberté éclairant le monde) isch e neoklassizistischi Kolossalstatue, wo vom Frédéric Auguste Bartholdi gmacht worde isch. Si stoot uf Liberty Island im Haafe vo Nöi York und isch am 28. Oktober 1886 iigweiht worde. Si isch e Gschänk vom französische Volk an die Veräinigte Staate gsi. D Statue isch sit 1924 Däil vom Statue of Liberty National Monument und sit 1984 isch si as Wältkulturerb vo dr UNESCO klassifiziert.

D Statue stellt d Libertas dar, die römischi Göttin vo dr Freihäit. D Figur het Roobe aa, stoot uf eme massive Sockel und hebt in dr rächte Hand e vergoldeti Fackle hoch in d Luft. In dr lingge Hand het si e Tabula ansata mit em Datum vo dr amerikanische Unabhängigkäitserklärig. Vor iire Füess lit e verbrochnigi Chetti. D Statue gältet as Sümbol vo dr Freihäit und isch äins vo de bekanntiste Sümbol vo de Veräinigte Staate. D Figur isch 46,05 Meter hooch und die ganz Hööchi vom Monumänt isch 92,99 Meter. Si ghört zu de höggste Statue uf dr Wält, bis 1959 isch si die höggsti gsi.

Litratuur

James B. Bell, Richard L. Adams: In Search of Liberty: The Story of the Statue of Liberty and Ellis Island. Doubleday & Co., Garden City, NY 1984, ISBN 0-385-19624-5.
Jonathan Harris: A Statue for America: The First 100 Years of the Statue of Liberty. Four Winds Press, New York 1985, ISBN 0-02-742730-7.
Richard Seth Hayden, Thierry W. Despont: Restoring the Statue of Liberty. McGraw-Hill, New York 1986, ISBN 0-07-027326-X.
Yasmin Sabina Khan: Enlightening the World: The Creation of the Statue of Liberty. Cornell University Press, Ithaca, NY 2010, ISBN 978-0-8014-4851-5.
Barry Moreno: The Statue of Liberty Encyclopedia. Simon & Schuster, New York 2000, ISBN 0-7385-3689-X.
Cara A. Sutherland: The Statue of Liberty. Barnes & Noble Books, New York 2003, ISBN 0-7607-3890-4.
Robert Belot, Daniel Bermond: Bartholdi. Éditions Perrin, Paris 2004, ISBN 2-262-01991-6.