Aristodemos
De Aristodemos (altgriech. Ἀριστόδημος) isch e Heraklid gsii, wo i d Peloponnes iigwanderet isch und Sparta öberchoo hett.
De Aristodemos isch de Soo vom Aristomachos und de Brüeder vom Temenos und vom Kresphontes. Er hett d Argeia, Töchter vom Autesion, ghüroote und isch de Vatter vo de Zwilling Eurysthenes und Prokles.
Öber sii Tood gitts meriri Versione. Nochem Apollodor isch er z Naupaktos vom Strool erschlage wore, wo d Heraklide d Schiff baut hend, demit si i d Peloponnes iifale chönd.[1] De Pausanias hett gschribe, er sai vomene Pfiil vom Apollon töödt wore.[2] D Argeia isch den scho schwanger gsii und hett den Zwilling uf d Welt broocht.
Noch de Saag vo de Spartaner hett er zäme mit sinene Brüedere d Peloponnes underworffe und denn Sparta öbercho.[3] De Aristodemos sai chorz noch de Giburt vo de Zwilling chrangg wore und gstorbe. De Theras isch de Vormund vo de unmündige Buebe gsii und hett för die as Regent öber Sparta gherrscht.
Noowiis
[ändere | Quälltäxt bearbeite]Literatur
[ändere | Quälltäxt bearbeite]- Franz Kiechle: Aristodemos 1. In: Der Kleine Pauly (KlP). Band 1, Stuttgart 1964, Sp. 565.
- Fritz Graf. In: Der Neue Pauly (DNP). Band 1, Metzler, Stuttgart 1996, ISBN 3-476-01471-1, Sp. 1107–Aristodemos.
- Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Aristodemos, S. 99.