Édouard Roederer

Dialäkt: Mìlhüüserdiitsch

Dr Édouard Roederer (* àls Alphonse Édouard Othon Roederer, 21. Àwril 1838 z Strossburi; † 13. Juni 1899 àui doo) ìsch a Strossburjer Bàuiplànzaichner un Stàdtbàuiinspektor gsìì, wo ìn sinera Haimetsstàdt zàhlricha Gebäi zaichnet hàt.

Lawa un Wark

Dr Édouard Roederer stàmmt vu-n'ra lütherischa Famìlia üs Bayern, wo ìn dr Zitt vu dr Reformàtion uf Strossburi usgwàndert ìsch. Ar hàt z Pàris gstudiart un hàt sina gànza Kàrriar àls Stàdtàrchitäkt z' Strossburi gmàcht. Ar hàt u. a. zamma mìt-em Johann Karl Ott un em Jean Geoffroy Conrath gschàfft. Noh em ditsch-frànzeescha Kriag vu 1870 hàt ar àls Stàdtbàuiinspektor àm Wìderuffbàui vun da zerschteerta äffentliga Gebäi mìtgmàcht. Ar hàt u. a. d' Adassa-Klinik (ànna 1885) àm 13 Hàwenauer-Plàtz zaichnet, un àui 's Gebäi vu dr Hocha Schüal fìr d' dekoràtiva Kunscht (École supérieure des arts décoratifs) mìt sim Gfàllanadankmol. Ar hàt àwer hàuiptsachlig Priwàtgebäi zaichnet, wia dr Sìtz vu dr Assurances Rhin-et-Moselle, wo hitt a Büachhàndlung ìsch, un àui dr Sìtz vum Crédit foncier d'Alsace et de Lorraine, wo jetz a Café ìsch. 'S Holtzapfel-Hüüs vu 1889 àm 6 Rue du Général-Gouraud zählt undr sina wìchtigschta Wark.

Üsseram hàt dr Roederer dr näia proteschtàntischa Kìrich vu Lille ìm Norda vu Frànkrich zaichnet.

Si Brüadr Edmond Roederer (1843–1913) ìsch àui a Àrchitäkt gsìì. D' Briadr han zamma àm 6 Rue de Haguenau z Strossburi glabt, ìn'ma Gebäi vu 1880, wo sa zamma zaichnet han.

• Em Édouard Roederer sina wìchtigschta Wark
• 
  Holtzapfel-Hüüs
• 
  Ehemoliger Sìtz vum Crédit foncier d'Alsace et de Lorraine
• 
  Ehemoliger Sìtz vu dr Assurances Rhin-et-Moselle
• 
  Hocha Schüal fìr d' dekoràtiva Kunscht (École supérieure des arts décoratifs)
• 
  Gfàllanadankmol ìm Schüalhof
• 
  D' proteschtàntischa Kìrich vu Lille

Literàtür

• Hélène Georger-Vogt, Rolf Werl un Christian Wolff: Roederer (famille). In: Nouveau dictionnaire de biographie alsacienne. Nr. 32, S. 3256 (französisch). 
• Denis Durand de Bousingen: Roederer Alphonse Edouard Othon. In: Nouveau dictionnaire de biographie alsacienne. Nr. 32, S. 3258 (französisch). 
• Roederer, Édouard. In: Maurice Moszberger (Hrsg.): Dictionnaire historique des rues de Strasbourg. Le Verger, Barr 2012, ISBN 978-2-84574-139-3, S. 516 (französisch). 

Externa Links

• Dr Édouard Roederer uf-em Archi-Wiki (frànzeesch)

Dä Artikel basiert uff ere fräie Übersetzig vu dere Version vum Artikel „Édouard_Roederer“ vu de franzeesche Wikipedia. E Liste vu de Autore un Versione isch do z finde.