Pulo-pulo Siribèe

Pulo-pulo Siribèe atawa lam narit Indônèsia geukheun ngon Kepulauan Seribu nakeuh saboh kabupaten administrasi di DKI Jakarta, Indônèsia. Wilayahnyan jitamong lam kawan pulo-pulo di Lhôk Jakarta.

Bumoë

Pulo-pulo Siribèe jeuet nibak teunamon kareuëng nyang le jih na 110 boh ngon mandum luwah wilayah darat na rayeuek 8,7 km². Neuduëk pulo nyan na bak 5°24´ - 5°45´ Linteuëng Tunong ngon 106°25´ - 106°40´ Buju Timu luwah wilayah na 1.180,8 ha. Seu'uëm sipanyang thôn kayém jih antara 21 °C-32 °C ngon kadar kelembaban udara rata-rata 80%.

Kawan Pulo-pulo

Pulo-pulo Siribèe nakeuh kawan pulo-pulo nyang na di barôh Jakarta, paih that meukeuë-keuë ngon Lhôk Jakarta. Nan Pulo-pulo Siribèe kon meuma'na na Siribèe boh pulo lam kawan nyan. Meu bileuëng pulo cit na keunira 342 pulo, nyan ka jitamong lam beunileuëng pulo-pulo anoë atawa pusông ngon teunamon kareuëng deuë nyang na jitimoh tanaman. Pusông ngon teunamon kareuëng nyan mantong nakeuh 158 boh. Hana mandum pulo lam kawan Pulo-pulo Siribèe na geuduëk manosia. Ban lagèe pulo-pulo la'én cit di Indônèsia get that le pulo lam kawan Pulo-pulo Siribèe hana ureuëng duëk. Kawan Pulo-pulo Siribèe na wasé alam nyang hana dit keu geupeukeumang meubagoë macam industri, nibak la'én nakeuh disinan bahan tambang, eungkôt ngon nyang that utama nakeuh pariwisata.

Peumerèntah geubagi kawan pulo-pulo jeuet keu lhèe boh da'irah:

Da'irah nyang phôn, geupeuguna keu neucok wasé bumoë. Ubéna wasé lam bumoë disinan jeuet geucok ngon geumanfa'at nibak peureulèe industri. Lagèe teunamon kareuëng nyang ka maté nyang jeuet geucok keu bahan peunuegot ubin aleuë atawa teurasô.
Da'irah keuduwa, nakeuh pulo-pulo nyang meuhat geuseudia keu taman nasional atawa jeuet keu da'irah pariwisata.
Zona keulhèe, nyang ka meuteuntèe jeuet keu sibagoë da'rah cagar alam nyang geupeulindông.

Ureuëng duëk

Keunira ureuëng duëk di Pulo-pulo Siribèe nakeuh lam keunira na 24.295^[1]^[2] droë nyang geuduëk lam 11 boh pulo rayeuek: Pulo Kelapa, Pulo Kelapa Dua, Pulo Panggang, Pulo Harapan , Pulo Pramuka, Pulo Tidung, Pulo Besar, Pulo Payung Besar, Pulo Pari, Pulo Untung Jawa, Pulo Lancong Besar dan Pulo Sebira. Pulo nyang that ramèe ureuëng duëk lagèe Pulo Kelapa, Pulo Pramuka, ngon Pulo Karya

Nyang leubèh ramèe lam kawan ureuëng duëk di Pulo-pulo Siribèe nakeuh meu agama Islam ngon le that nyang teuka nibak bansa Betawi, Bugis, Banten ngon Madura.

Keutrangan

^ "Provinsi DKI Jakarta Dalam Angka 2020". BPS DKI Jakarta. 27 April 2020.
^ "Kabupaten Kepulauan Seribu Dalam Angka 2020". BPS Kabupaten Kepulauan Seribu. 20 Mei 2020.

Peunawôt luwa

(Indonesia) Situs resmi Pemerintah Kepulauan Seribu
(Indonesia) Pariwisata Kepulauan Seribu: Potensi Pengembangan dan Permasalahannya

Wikimedia Commons na mèdia nyang mupawôt ngön: Pulo-pulo Siribèe

[1] "Provinsi DKI Jakarta Dalam Angka 2020". BPS DKI Jakarta. 27 April 2020.

[Kepulauan_Seribu_2020-2] "Kabupaten Kepulauan Seribu Dalam Angka 2020". BPS Kabupaten Kepulauan Seribu. 20 Mei 2020.

[1]

[2]