Zum Inhalt springen

Ad-Hoc-Onohm

Vun Wikipedia
Dialegd: Schbaimarisch

Ä Ad-hoc-Onohm odda Ad-hoc-Hypothes isch ä B'helds-Onohm, wuma ad hoc, alla indem Achebligg bassend fa die Sach, uffschdelld unn wu erschdmol nedd theoredisch g'grinnd werre konn. Deswesche brauchdma a kä Wisse iwwa irschdebbes, um Ad-hoc-Hypothese uffzuschdelle, alla a efach zu erfinne. Des werd g'machd, wailma ä Erglerung fa ebbes suchd, wuma b'obachde konn[1], odda um soi Mänung, Ideje, Vorschdellung, Wissen, Glaawe etc. gesche onnare Mänunge etc., gridische Agumend odda Ewidens etc. zu schidze unn zu vahinnare, dassma widdaleschd werd.

Wisseschafdstheorie

[Schaffe | Om Gwelltegschd schaffe]

De B'griff vunde Ad-hoc-Hypothes gehd uffde esderaischisch-britischa Wisseschafdstheoretika Karl Popper zurigg.[2]

„Some genuinely testable theories, when found to be false, are still upheld by their admirers – for example by introducing ad hoc some auxiliary assumption, or by re-interpreting the theory ad hoc in such a way that it escapes refutation. Such a procedure is always possible, but it rescues the theory from refutation only at the price of destroying, or at least lowering, its scientific status.“

„Oinische wirglisch iwwabriefbare Theorije werren, wonnse sisch als falsch rausschdelln, vunde Ohenga imma noch uffreschderhalde - zum Baischbiel, indemse „ad hoc“ ä zusedlischi Onohm oifiehren odda die Theorie ad hoc so umindapredieren, dassse de Widdaleschung endgehd. So was gehd imma, awwa s'redded die Theorie vor de Widdaleschung nur fade Prais vunde Zaschderung odda zumindeschd de Herabsedzung vun ihrm wisseschafdlische Schdadus.“

Karl Popper[3]

Onnare Wisseschafdla sejen in Ad-hoc-Onohme ä zulessisches Inschdrumend inde Wissenschafd.[4] In soim Buch Against Method[5] schbrischd sisch de esderaischische Wisseschafdla Paul Feyerabend fade Oisadz vun ad-hoc Hypothese aus, um Theorije zu schdidze. Die oigsedzde ad-hoc Hypothese zaischen, dass ebbes midde Theorie nedd schdimmd und daiden o, wuhie die zukinfdisch Forschung geje kennd. Ähnlisch siehd des a de Imre Lakatod, wu die Wisseschafdstheorije vum Karl Popper unn vum Thomas Kuhn zsomme bringd.[6]

Nochm Rasiermessa vum Ockham nimmdma awwa imma die Theorie, wu midde wenigschde B'helds-Onohme auskummd, um ebbes zu erglere.[7] Jedi zusedlischi Ad-hoc-Hypothese, wuma brauch, domid ä Theorie in Oiglong midde B'obachdunge g'brochd werre konn, erschwerd die Iwwabriefung vun der Theorie.

De intensive Oisadz vun Ad-hoc-Hypothese isch donn a ä Kennzaische vun Pseudowissenschafde.[8], Vaschwerungstheorije etc. Die Ohänga vun Pseudowissenschafde vasuchen donn a ofd die B'waislasch uff onnare abzuwelze. Doma b'liebisch viele Ad-hoc-Hypothese gons efach uffschdelle konn, komma Skepdiga unn Kridiga midm Bullschit-Uugleischhaid-Prinzip vasuche zum Schaische bringe.

Baischbiel ausde Wissenschafd

[Schaffe | Om Gwelltegschd schaffe]

Erfolschraische Ad-hoc-Onohme ausde Wisseschafd sinn:

Fehlhgschlachene Ad-hoc-Onohme ausde Wisseschafd sinn:

  • Vorm Johannes Kepler hoddma ons Ptolemäisches Weldbild g'glabd. Wail die B'obachdunge der Vorschdellung awwa widdaschbroche hawwen, hoddma die Ad-hoc-Hypothes vunde Ebizigle oi'gfiherdm domids schdimmd. De Kepler hodd donn midd soim Buch Astronomia nova[9] ä efacharari Theorie uffgschdelld, wu ohne Ad-hoc-Hypothes auskummd, wu a iwwabriefbare Aussache machd unn deswesche des alde Weldbild donn a abg'lesd hodd.
  • Nochde Feldglaischung vum Albert Einstein ischs Universums dynamisch unn expondierd. Wailm des awwa nedd g'bassd hodd, hodde Einstein die kosmologische Konstante ad-hoc in soi Feldglaischung oigfierd um des zu vahinnare. Des warn Vasuch des inde Zaid fa selbstvaschdendlisch gsejenes Weldbild vunnem schdadische Universum mathematisch zu redde. Schbeda hodda des als soi greschdi Eselai b'zaischend.
  •  Karl Popper: Logik der Forschung. 11. Auflage. Mohr Siebeck, Tübingen 2005, ISBN 3-16-146234-3.
  •  Paul Feyerabend: Wider den Methodenzwang (Against Method. Outline of an Anarchistic Theory of Knowledge). Mohr Siebeck, Frankfurt 1975, ISBN 3-518-28197-6.
  •  Imre Lakatod, John Worral, Gregory Currie: Philosophische Schriften. Die Methodologie der wissenschaftlichen Forschungsprogramme. Springer Fachmedien Wiesbaden GmbH, Wiesbaden 1978, ISBN 978-3-663-08083-1.
  •  Paul Feyerabend: Against Method: Outline of an Anarchist Theory of Knowledge. Fourth Edition Auflage. New Left Books, London 2010, ISBN 1-84467-442-8.
  1. Lexikon der Physik: Ad-hoc-Hypothese, Spektrum
  2. Gunnar Andersson: Kritik und Wissenschaftsgeschichte. Kuhns, Lakatos' und Feyerabends Kritik des Kritischen Rationalismus. J.C.B. Mohr, Tübingen 1988, S. 143.
  3. Karl Popper: Conjectures and Refutations: The Growth of Scientific Knowledge, Basic Books, 1962, S. 22
  4. Maarten Boudry, The hypothesis that saves the Day. Ad Hoc reasoning in pseudoscience, July 2013, Logique et Analyse 223(223):245-258
  5. Paul Feyerabend, Wider den Methodenzwang. Suhrkamp (stw 597), Frankfurt am Main 1976, ISBN 3-518-28197-6
  6. Imre Lakatod, Philosophische Schriften. Die Methodologie der wissenschaftlichen Forschungsprogramm, Springer Fachmedien Wiesbaden GmbH, Wiesbaden, 1978, ISBN=978-3-663-08083-1
  7. John McAdams: JFK Assassination Logic. How to think about claims of conspiracy. Potomac Books, Lincoln 2011, S. 12 u. ö.
  8. Scott Lilienfeld: Pseudoscience in contemporary clinical psychology. What it is, and what we can do about it. In: Bryan Farha: Pseudoscience and Deception. The Smoke and Mirrors of Paranormal Claims. University Presse of America, Lanham MD 2014, S. 134 f.
  9. Kepler, J. 1609, Astronomia Nova Aitiologetos