Nedteljing

Sol, bad og varme ventar på oss i sydlegare strøk. Vi gler oss til å reise sørover til "vår andre heim". Her på vestlandet lyt sommaren vente på seg, men fint er det likevel med lange og lyse kveldar. For ei herleg årstid sommaren er, uansett fint veir eller ikkje. 

Detaljar

Ein smule opphengt i dei. Detaljane. Både til frustrasjon og glede. Glede over å fryde seg over små ubetydelege ting i kvardagen. Frustrasjon når detaljane ikkje stemmer. 

Spisekrok

På kjøkkenet har vi sidan sist gjort nokre små endringar. Det store spisebordet er bytta ut med eit mindre rundt bord. Likar å sitje rundt eit slikt bord. Etter å ha vore på utkikk etter det "perfekte" bord lenge, kom eg over dette bordet i ein container. Kvardagslykka var stor! Opprinnleg var bordet i eik, men etter å ha pussa og behandla bordet fekk eg ikkje bordplata slik eg hadde tenkt. Grå gulvmaling vart istaden redninga. No står det att å male dei tre ileggsplatene som også følgde med bordet. Stas med litt endringar.

Juniorseng

Etter ei lang stund med spekulering og synsing har no minstemann (som slett ikkje er fullt så liten lenger) gått over til juniorseng. Det er ein del senger på markedet å velje mellom, til slutt vart det denne frå Leander vi gjekk for. Fin i forma, syns eg iallfall, og sannsynlegvis ganske så tidlaus. Mor og minstemann er i alle fall fornøgde.

Testar ut nytt fotoapparat. Speilreflekskamerat har fått seg ein konkurrent i Sony RX100 II. Vi held fortsatt på å verte venner og det kan sjå ut til å bli eit lang vennskap.

Adventstid

No er adventstida godt i gang. Full rulle med litt kos og pusterom inn i mellom. Eg er allereie begynt å tenkje over kva mål og draumar eg vil ta med meg inn i nyåret. Eit lite mål er å halde meir liv i fotograferinga og å skrive oftare innlegg. Eg syns det er grådig kjekt at ein del kikkar innom her sjølv om oppdateringane er sjeldne. Meir om draumar og mål kjem seinare, litt julepynting må kome fyrst. Nyt helga.

Litt av kvart...

Lenge sidan sist. No er hausten her og det merkast på veiret ute. Regnet slår på vindauga medan vi ventar på at det skal lette ute, då vert det båttur på store og små. Det er ikkje så mykje nytt på heimefronten, vi har forflytta oppussinga til kjellaren dei siste månadane. Eit område gutane i huset skal regjere utan innblanding frå meg. Det vert med andre ord spennande å sjå resultatet etterkvart.

Feriebolig i Spania...

Svært så lenge sidan forrige innlegg her på bloggen. Alt står vel til, berre ei lang bloggtørke. Sidan sist har vi vore i Spania og kjøpt leilighet. Bileta har eg teke av ei visningsleilighet på anlegget. Vår leilighet vil sannsynlegvis stå klar til jul. Spennande tid i møte med andre ord, det vert kjekt å møblere noko nytt.

Gardsbesøk...

 

 

Nokre vekar sidan dro vi på eit lite gardsbesøk. Veslebror syns det heile var skikkeleg stas. Dyr, bilar og traktorar er den store interessa for tida, og ein tur på gard inneber alle dei tre. Om ein skal avgårde til Vestlandet i sommar er det definitivt verdt å leggje turen innom hakallegarden, det er ein kjekk plass å vere for både store og små.

Bruktfunn...

 

 

...kan vere så mangt. Mine favorittar i bruktkjøp-kategorien er heilt klart denne stolen som vert nytta til så mykje. Den sklir fint inn saman med spisestua når vi er mange tilbords og den passar perfekt til arbeidsbordet. Både marmorlysholderen og messinglysholderen er dessutan to andre bruktkjøp som har fått plass her i huset. Bunken med matteprøver ventar på å verte retta, godt arbeid i kveld med andre ord.

Påskero...

 

Ferie er ei herleg tid. Tid til å gjere akkurat det ein sjølv har lyst til. Etter ein hektisk periode med mykje jobb har det gjort godt med litt påskero. No nyt vi dei siste dagane med fri og har det i grunnen fint med å vere inne no som snøen bles både oppover og bortover. Heimen har vore fri frå det gule i år, litt påskepynt har det blitt likevel i form av kastanjegreiner. Kjekt med noko som også er fint etter påske.

Glimt frå soverommet...

til storebror. Flytting til kjellaren for storebror førte med seg nokre små endringar. Veggane vart malt svart og vi fekk tatt ei skikkeleg opprydning i både kle og leikar. Som snart tenåring er det lite han leikar. For å gjere det enklast mogleg for han å halde orden, vart leikane derfor plassert på mørkeloftet til lisjebror er stor nok til å låne dei. Storebror er kjempe fornøgd og nyt livet med eit litt mindre rom. Med "livsnødvendige" ting som sofa, dobbeltseng og tv på rommet har han nok innsett at livet i kjellaren slett ikkje er så dumt.

Herleg lys...

 

Inspirerande å fotografere i eit slikt fint lys. Her eit par små glimt frå loftstua. Vi brukar den alt for sjeldan, det skal det bli ei endring på. Vinterferien har eg brukt på å flytte storebror i kjellaren og lisjebror på eige rom på loftet. Vi rakk det akkurat før kvardagen setjer inn for fullt igjen. Eg håpar at våren kjem snart og at vi får mange lyse fine kvardagar framover. Bilete av romma til brorane kjem om litt. Nyt søndagen.

Nytt på kjøkenbenken...

 

Små ting utan meining kan av og til gje meining. Slik som denne vannkokaren. For kjekt er det, når ein har venta lenge med å kjøpe vannkokar fordi ein ikkje finn akkurat den ein likar, å finne nettopp den som gjorde det verdt å vente så lenge. Små gleder og store gleder, vi treng dei alle i livet.

Eit lite bytte...

Stadige forandringar, til glede for meg, men ikkje fullt så kjekt alltid for dei andre her i heimen. Det er nok slik av og til at det er eit eller noko som ikkje stemmer, noko ein ikkje kan setje heilt fingeren på. Då får nok sjela ikkje heilt sleppe fri frå tankejaget før etter at byttet er gjort. Slik vart det denne gongen - så for vi sjå kva det vert neste gong.