Maurice Utrillo

Maurice Utrillo (Paris, Frantzia, 1883ko abenduaren 26a - Dax, Frantzia, 1955eko azaroaren 5a) frantses pintorea izan zen.

Maurice Utrillo
Irudi gehiago
Bizitza
Jaiotza	Montmartre, 1883ko abenduaren 26a
Herrialdea	Frantzia
Bizilekua	Montmartre
Heriotza	Akize, 1955eko azaroaren 5a (71 urte)
Hobiratze lekua	Saint-Vincent Cemetery (en)
Familia
Aita	Miquel Utrillo
Ama	Suzanne Valadon
Hezkuntza
Hizkuntzak	frantsesa
Irakaslea(k)	Suzanne Valadon
Jarduerak
Jarduerak	margolaria, grabatzailea eta artista grafikoa
Lan nabarmenak	ikusi Toits à Montmagny (en) L'Impasse Cottin (en) La Porte Saint-Martin (en)
Jasotako sariak	ikusi Ohorezko Legioko ofiziala
Influentziak	Suzanne Valadon, Gustave Courbet eta Camille Pissarro
Mugimendua	Parisko Eskola
Genero artistikoa	paisaia margolaritza

Biografia

Suzanne Valadon pintorearen semea zen, eta Miguel Utrillo pintorearengandik hartu zuen abizena. Oso gazte zelarik erietxe batera eraman zuten alkoholismoa sendatzeko. Garai horretan ekin zion margotzeari eta eritegiko leihotik ikusten zituen ikuspegiak pintatzen hasi zen. Sisley eta Pissarro inpresionisten eragina izan zuen hasieran, baina 1907. urte inguruan inpresionisten eragina baztertu eta garai zuria (1907-1916) deitu zitzaion aldiari ekin zion. Garai honetan kolore zuria nagusi zuten 700-800 obra ondu zituen Utrillok. Handik aurrera kolore biziagoak erabiltzen hasi zen, eta amaren eragina nabaria den garai baten ondoren, heldutasun handia erakusten zuten ikuspegiak egin zituen.

1913. urtean lehen erakusketa egin zuen Eugène Blot galerian. Alkoholismoa zela eta, eritegietan egonaldi bat baino gehiago egin behar izan bazuen ere ospe handiko pintorea izan zen. 1934. urtean Lucie Valore pintorearekin ezkondu zen.

Obrak: Impasse Cottin (1910), Rue Ravignan (1911), Place du Tertre (1911).

Bibliografia

• Utrillo (J. Fabris, C. Wiart, A. Buquet, J-P Thiollet, J. Birr, C. Banlin-LacroixJ. Ed. F. Birr, 1982)

Erreferentziak

Wikimedia Commonsen badira fitxategi gehiago, gai hau dutenak: Maurice Utrillo

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q108301
• Multimedia: Maurice Utrillo / Q108301