Viktor Trast
| Viktor Trast | ||
|---|---|---|
| Persona informo | ||
| Naskiĝo | 14-an de januaro 1878 en Sankt-Peterburgo | |
| Morto | 30-an de januaro 1953 (75-jaraĝa) | |
| Lingvoj | finna vd | |
| Ŝtataneco | Finnlando  vd
| |
| Profesio | ||
| Okupo | verkisto vd
| |
| vd | Fonto: Vikidatumoj | |
Viktor Kustaa (V. K.) TRAST (naskiĝis la 14-an de januaro 1878, Sankt-Peterburgo – mortis la 30-an de januaro 1953, Helsinko) estis finna filologo, pedagogo kaj tradukanto de slavaj literaturoj.
Vivo
[redakti | redakti fonton]Viktor Kustaa (V. K.) Trast naskiĝis en Sankt-Peterburgo en finna familio de ŝuisto (1878), en la tempo, kiam Finnlando estis parto de la cara Rusio kiel aŭtonoma grandprinclando (1809 - 1917). Li abiturientiĝis en 1897 kaj studis plu en Moskvo (1902-1904). Li akiris titolon de kandidato de filozofio (1902) kaj licenciulo de filozofio (1922). Sian doktoriĝan laboron pri la finna poeto Julius Krohn, eldonitan libroforme, li sukcese defendis en 1923. En 1912 li edziĝis al Enna Rosberg. Ekde 1926 li instruis la finnan lingvon kiel gepatran ĉe la knabina lernejo en Helsinko, pli frue (1907 - 1926) ankaŭ la lingvojn rusan kaj germanan en diversaj lokoj en Finnlando (Nurmes, Tornio, Iisalmi). En 1913 li mallonge laboris kiel respondeca redaktoro en loka gazeto. Apud studaĵo pri Adam Mickiewicz en la finna li eldonis ankaŭ gvidlibron tra Sankt-Peterburgo kaj ĉirkaŭaĵo kaj finnan-rusan konversacion.
Verkaro
[redakti | redakti fonton]El la rusa:
- Leonid Andrejev: Judaso Iskariota
- Dmitrij Mereĵkovskij: Leonardo da Vinci
- Lev Tolstoj: Du husaroj – Infanaĝo, knabaĝo, junaĝo – Kaŭkaza militkaptito kaj aliaj rakontoj
- Fjodor Dostojevskij: Idioto - Fratoj Karamazov
- Miĥail Osorgin: Kvieta strato
El la pola:
- Adam Mickiewicz: Sinjoro Tadeo aŭ la lasta invado al Litovio - Konrado Wallenrod
- Henryk Sienkiewicz: Inundo - Sinjoro Wołodyjowski
V. K. Trast redaktis ankaŭ finnlingvan antologion el slavaj literaturoj Slaavilaisten kirjallisuuksien kultainen kirja (Ora libro de slavaj literaturoj; 1936).
Fontoj
[redakti | redakti fonton]- Bazan tekston ellaboris Jan Dlask, ĉeĥa universitata pedagogo pri finnaj lingvo kaj literaturo.
- Biografio en la retejo de la urbo Iisalmi, kie V.K. Trast instruis Arkivigite je 2014-04-13 per la retarkivo Wayback Machine
- Vivdatoj de V.K. Trast[rompita ligilo]