„ Romano sub formo de leteroj interŝanĝitaj de du junuloj, kiuj fine malkaŝiĝas kiel amkonkurantoj. Adeptoj de psikoanalizo trovos argumentojn en la senkaŝa konfeso de junulo pri knabecaj amdeziroj. ”
„ La novelo Deklaracio estas verkita en formo de leteroj interŝanĝitaj inter du kleraj junuloj. Ĝi montras kiel japanaj junuloj pensas, agas kaj suferas kaj havas specialan intereson por la eŭropanoj. La stilo de la tradukinto montras originalecon, kiu efikas kvazaŭ ĉarmiga voĉo de solene parolanta predikisto. Legante oni sentas la spiriton de ekstrema Oriento. ”
„ «Deklaracio» estas japana novelo verkita en formo de leteroj interŝanĝitaj inter du junuloj: studento kaj licenciato de scienca fakultato. Per la eldono de tiu verko de unu el la plej multe ŝatataj nuntempaj aŭtoroj de Japanujo, la firmo Hirt faris gravan servon al Esperanto , pruvante per tio, ke nia lingvo bonege taŭgas por la celoj de orient-aziaj popoloj. Per ĝi la atento de la japanaj intelektaj rondoj sendube estos denove favore altirata al nia afero, ĉar ĝi diskonigas al la Esperantista rola specialan pensmanieron de la japana junularo. Ni ne dubas ke la libro rikoltos grandan kaj merititan sukceson. ”
