星光大道 (荷里活)

荷里活星光大道（粵拼：ho4 lei5 wut6 sing1 gwong1 daai6 dou6，英文：Hollywood Walk of Fame）係條喺美國荷里活嘅行人路，上高有2000幾粒鑲住荷里活商會追敬名人個名嘅星星獎章，以紀念佢哋對娛樂業嘅貢獻。

描述

截至2020年，星光大道有超過2690粒星，係粉紅色嘅水磨石五角星，周圍鑲住黃銅。攞獎人個名會鑲喺每粒星星上面。而喺個名下面嘅圓形撈稿代表咗指示攞獎人嘅貢獻類別：

電影攝影機撈稿：代表嗰個人對電影有貢獻。

電視機：代表嗰個人對電視業有貢獻。

留聲機唱片：代表嗰個人對唱片行業有貢獻。

廣播咪：代表嗰個人對廣播業有貢獻。

悲喜劇面具：代表嗰個人對現場戲劇有貢獻。

喺到而家為止嘅所有明星入面，攞到電影類別獎章嘅人佔咗47％，電視佔咗24％，錄音佔咗17％，廣播佔咗10％，而現場表演類就少過2％。