歲差
歲差，出於地軸循環擺動，天極會轉圈，如圍住黃極而轉。由於轉動極慢，人一生並唔覺，望天星位置不變。然而過好幾百年，就會見到赤經赤緯不合，天球北極位置遊移，北極之星會變，黃道赤道交點，即春分秋分遊移，二十八宿唔啱位，唔再係月舍。古人以為天球恆而不變，天星經緯之變，無論曆法或星占都有啲麻煩。
現今測量精密，發現黃經黃緯亦會轉移，出自行星間之萬有引力。不過，咁遠遠唔及赤經赤緯咁強，約莫五百分之一。如今叫赤道有闗，稱赤道歲差，而黃道有關，叫黃道歲差。大抵歲差都係赤道歲差為主。
歲差除咗天極轉圈，轉圈時都有震幅，名為章動。章動幅度細得多，不過要精準觀準天體，章動亦要計算在內。另外重有極移，地球表面水風地移，都會極輕微兩極位置。
名
[編輯]「冬至所在，歲歲微差」，出自祖沖之。佢發現冬至會遊移，歲歲有些微偏移。祖沖之為南北朝宋國編曆，編成大明曆，此句記載於宋書歷下。後世亦用咗歲差講依種現象。