廣東南方電視台

廣東南方電視台
	TV Southern
開檔	2001年7月1號
總部地址	中國廣東廣州; 越秀區麓湖路7號; （廣東廣播電視技術中心後邊）
產業	傳媒
網址	WWW.TVSCN.com

廣東南方電視台（粵拼：gwong2 dung1 naam4 fong1 din6 si6 toi4），又嗌南方台（naam4 fong1 toi4）或TVS，係中國廣東嘅省級電視台，2001年7月1號成立，同年12月20號開播。總部喺越秀區麓湖路7號。呢間電視台嘅播音語言係粵語同普通話。

2014年4月23號之前，佢同隔籬嘅廣東電視台都係唔同嘅機構。而佢屬下嘅「TVS」字樣台標喺2019年12月13號正式停用。

史

經濟電視同有線電視時期

電視台早期係廣東經濟電視台同廣東有線廣播電視台呢兩間完全獨立嘅機構，前者喺1994年12月22號開播^[1]，後者喺1993年12月4號開播。嗰時廣東經濟台凈得一個頻道，廣東有線台屬下有都市、影視、體育、信息、購物、及卡通等6個頻道咁多。不過佢哋喺廣州地區嚟講出名開台遲收台早，最夜嘅頻道到23:30（UTC+8）變黑屏或雪花，直到第二日16:00先至有節目。後嚟無耐部分頻道改到06:00開播，最晏都唔過09:00^{[註 1]}，收台時間亦推遲到01:00。而收台畫面直到2001年先至有彩條信號取代咗原有變黑屏或雪花嘅畫面。

兩台合併

由於廣電總局^{[註 2]}喺2001年7月1號話取消有線電視，結果有線屬下嘅都市、信息、影視、購物^{[註 3]}、卡通等5條頻道冚唪唥同廣東經濟台合併而新成立咗呢間機構^[2]。合併咗之後，原先廣東經濟電視台變成南方電視台1套，屬下嘅都市、信息、影視、購物同卡通分別變成2、3、4、5、6套節目，而體育台搬到廣東電視台屬下。同年12月20號，電視台屬下所有頻道正式開播。

頻道大變身

從2003年開始，南方電視台屬下所有頻道開始陸續變身。其中廣東有線都市頻道（第1台）改名做南方都市頻道；影視頻道從第2台調到TVS-4；信息頻道調到TVS-3；雖然購物同卡通頻道位唔變，但購物頻道改組成科教頻道，隨後卡通頻道亦改名做少兒頻道。同年年底，少兒頻道改名做少兒女性頻道；信息頻道改組做綜藝頻道。

2004年7月28號，南方都市頻道上星之後改名做南方衛視^[3]。隨後無耐，經濟頻道亦改名做經視頻道；時隔1年又4個月，科教頻道退出南方電視台，改成廣東電視台屬下嘅新聞頻道，而原先少兒頻道嘅位改成TVS-5。

2011年10月15號20:00，電視台同上海東方購物頻道搞合作，推出咗另一個購物頻道——TVS東方購物頻道^[4]。節目播出內容主要轉播東方購物頻道。

廣東電視台時期

2014年4月23號，南方電視台、南方廣播電影電視集團同廣東電台、廣東電視台合併，組成而家嘅廣東廣播電視台^[5]。雖然南方電視台重係繼續營運，但屬下頻道名開頭全部加咗「廣東」兩個字，原先嘅南方少兒女性頻道打回頭成廣東少兒頻道；南方綜藝頻道改名成廣東綜藝頻道；原先科教頻道組啲人同南方經視頻道合作，組成廣東經濟科教頻道。

2016年10月17號，電視台屬下嘅廣東東方購物頻道改名做南方購物頻道。

2017年11月28號，電視台屬下嘅南方傳媒正式透露，為咗實現4K嘅策略，喺2017年12月20開始率先喺廣東影視頻道搞，期間亦將頻道所屬範圍摱到廣東廣播電視台屬下^[6]。同年12月23號18:00，原TVS-4正式換成同廣東衛視一樣品種嘅臺標重摱到廣東廣播電視台屬下，從而TVS-4正式成為歷史。

2019年12月13號，由於廣東電視台同隔籬嘅南方電視台完全整合，所以屬下嘅頻道亦冚唪唥統一用嗮紅色嘅「广」字台標，令「TVS」稱呼正式成為歷史。

2022年7月29號晚黑，南方衛視正式改名做大灣區衛視。

台徽

呢度寫嘅係南方電視台以前用過嘅台徽：

1993～2001
2001～2004
2004～2011
2011～而家

各個頻道嘅台標用法都差唔多。多數規律係中間「TVS」字樣，左邊擺住橙底帶「南方」嘅白字，右邊有頻道冧巴。而南方衛視喺台標右上角加咗粒星星。雖然廣東有線廣播電視台喺2001年被取消咗，但台徽重喺電視採訪嘅咪牌用緊。

屬下頻道

TVS-1：廣東經濟電視→南方經濟→南方經視→廣東經濟科教
TVS-2：廣東有線都市→南方都市→南方衛視→廣東南方衛視→大灣區衛視
TVS-3：廣東有線信息→南方綜藝→廣東綜藝→4K超高清
TVS-5：廣東有線卡通→南方少兒→南方少兒·女性→廣東少兒

曾經係屬下頻道

前TVS-5：南方科教→廣東新聞
前體育台：廣東有線體育→廣東體育
TVS-4：廣東有線影視→南方影視→廣東影視

註同攷

註

↑ 卡通頻道嗰時平時喺09:00開台，但喺寒暑假期間改為12:00到13:00期間開台。
↑ 呢度講嘅係今日嘅國家新聞出版廣播電影電視總局
↑ 呢度講嘅唔係而家機頂盒入面播緊嘅東方購物頻道，嗰間嘢喺2004年4月1號開播，同嗰時嘅南方購物頻道無關。

攷

↑ 〈广东经济电视台正式开播省委书记谢非提出四点要求〉。原著喺2014年5月2號歸檔。喺2016年6月30號搵到。
↑ 2002年文章回顾：广东电视大变局互聯網檔案館嘅歸檔，歸檔日期2020年3月16號，. 博客网（2005-07-06）
↑ 南方卫视^{[失咗效嘅鏈]} S4114
↑ 东方购物互聯網檔案館嘅歸檔，歸檔日期2020年3月3號，. 东方CJ
↑ 两台合并台网联动制播分离互聯網檔案館嘅歸檔，歸檔日期2016年3月4號，. 人民网
↑ 4K新时代助力新征程 —2018年广东影视频道资源推介会

出面網頁

[2] 卡通頻道嗰時平時喺09:00開台，但喺寒暑假期間改為12:00到13:00期間開台。

[3] 呢度講嘅係今日嘅國家新聞出版廣播電影電視總局

[4] 呢度講嘅唔係而家機頂盒入面播緊嘅東方購物頻道，嗰間嘢喺2004年4月1號開播，同嗰時嘅南方購物頻道無關。

[1] 〈广东经济电视台正式开播省委书记谢非提出四点要求〉。原著喺2014年5月2號歸檔。喺2016年6月30號搵到。

[5] 2002年文章回顾：广东电视大变局互聯網檔案館嘅歸檔，歸檔日期2020年3月16號，. 博客网（2005-07-06）

[6] 南方卫视^{[失咗效嘅鏈]} S4114

[7] 东方购物互聯網檔案館嘅歸檔，歸檔日期2020年3月3號，. 东方CJ

[8] 两台合并台网联动制播分离互聯網檔案館嘅歸檔，歸檔日期2016年3月4號，. 人民网

[9] 4K新时代助力新征程 —2018年广东影视频道资源推介会

[1]

[註 1]

[註 2]

[註 3]

[2]

[3]

[4]

[5]

[6]

睇傾改廣東廣播電視台（GRT／荔枝台）
廣東衛視^P · 珠江^J · 體育^{J P} · 公共^{J P} · 嘉佳卡通^P · 新聞^{J P E} · 會展^P · 國際^{J P D H E} · 移動^P · 高爾夫^P · 房產^{J P E} · 郵輪旅遊^P · 嶺南戲曲^{J D H} · 廣東影視^{J P} · 廣東經濟科教^P · 大灣區衛視^{J P} · 廣東綜藝^{J P} · 廣東少兒^P · 南方購物^P^① · 嘉佳卡通^P
已停播	廣東有線廣播電視台 · 歐洲足球^P · 天天購物^P · 英語輔導^{P E} · 珠江電影^{J P}
註：P——普通話播出　　J——粵語播出　　D——潮州話播出　　H——客家話播出　　E——英文播出 ①：2011年10月15號由上海東方傳媒集團同上海廣播電視台一齊合作，授權畀南方電視台播，但2016年10月16號深夜因為同上海東方傳媒嘅合作到期而改名。