Siōng-boé-ê Khui-hām-lâng

Siōng-boé-ê Khui-hām-lâng
Kàm-tok	Nicolas Vanier
Chè-chok	Jean-Pierre Bailly
Kio̍k-chok-ka	Nicolas Vanier
Chú-ián	Norman Winther; May Loo; Alex Van Bibber; Ken Bolton; Denny Denison
Phòe-ga̍k	Krishna Levy
Liap-iáⁿ-su	Thierry Machado
Chián-chip	Yves Chaput
Chiūⁿ-èng	2004 nî
Phìⁿ-tn̂g	94 hun-cheng
Kok-ka	Hoat-kok / Canada / Sūi-se / Tek-kok / Italia
Gí-giân	Eng-gú/Hoat-gú

Siōng-boé-ê Khui-hām-lâng (Hoat-gú: Le Dernier Trappeur), Hoat-kok thàm-hiám-ka kiam kàm-tok Nicolas Vanier phah ê iáⁿ-phìⁿ, thàu-lām kì-lio̍k-phìⁿ/siáu-soat ê sêng-hūn, tī 2004 nî 12 goe̍h chhut-phìⁿ.

Kò͘-sū khài-iàu

Canada Yukon hit-pêng ê Rocky Soaⁿ-lêng ū 1 ê Norman kap i ê Nahanni-cho̍k ê khan-chhiú Nebraska tī hia khiā-khí. In 2 lâng khò 1 tīn káu-á tàu phah-la̍h lia̍h-hî thó in beh ti̍h ê mi̍h. In oá-khò tāi-chū-jiân, bē giàn hiān-tāi siā-hoē ê bu̍t-chit kiau seng-oa̍h hong-sek. Norman ka-kī chhò-chhiū chò i ê seh-chhia, báng-kah, khí in ê chhù. Nebraska iōng thoân-thóng ê hong-hoat pang i hoa̍t-lo̍h pak--lo̍h-lâi ê phoê-chháu. Norman 1 nî 1 pái kiâⁿ hn̄g lō͘ ji̍p-khì ke-á bē phoê-chháu, thang oāⁿ koá hun, mī-hún, hoan-á-hoé, la̍h-tiâu, chhèng-chí, tiān-tî téng-téng oh tit-tio̍h ê mi̍h. M̄-koh i thó-lia̍h ê phoê kè-siàu ná lâi ná kē, kî-thaⁿ chhan-chhiūⁿ i án-ne khui-hām ê la̍h-hō͘ chha-put-to lóng í-keng pàng-sak chit khoán seng-oa̍h. I kiám-chhái sī siōng-boé-ê khui-hām ê lâng ah.