დუდხასჷლა

მოზოჯით ვიკიპედიაშა!
ვიკიმედიაშ დუდიშული ანდანინამი ენციკლოპედია

21,739 სტატია მარგალურო

გეოგრაფია ისტორია საქორთუო რელიგია მენცარობა
ჯარალუა სპორტი ტექნიკა ხელუანობა

ანბანური ოგორუ · მარგალურ ვიკიპედიაშე · ოჩ@იე


გიშნაგორა სტატია კრიშტიანუ რონალდუ დუშ სანტუშ ავეირუ (პორტ. Cristiano Ronaldo dos Santos Aveiro; ევროპული პორტუგალიური: [kɾiʃˈtjɐnu ʁoˈnaɫdu] ( მორჩქილა); დ. 5 ფურთუთა 1985, ფუნშალი, პორტუგალია) — პორტუგალიარი მობურთე, პორტუგალიაშ ერუანული ნაკორობაშ გემანთხაფალი, საუდიშ არაბეთიშ ოკუჩხბურთე კლუბი ან-ნასრიშ კაპიტანი. ევროპაშ ჩემპიონი. იკოროცხუ არძა ბორჯიშ ართ-ართი არძაში უჯგუში მობურთეთ. კისეფ-იშ მუნაჩემეფით, კუჩხბურთიშ ისტორიას არძაშე უჯგუში ბომბარდირი დო RSSSF-შ მუნაჩემეფით — მაანთხა(ინგლ.)მარგ., არძაშე შედეგამი მობურთე ნაკორობაშ დონეს, თაშნეშე ესპანური კლუბი „რეალ მადრიდიში“. პორტუგალიაშ კუჩხბურთიშ ფედერაციაშით აღიარაფილი რე პორტუგალიაშ ფეხბურთიშ ისტორიაშ საუჯგუშო მობურთეთ. ისტორიას პირველი მობურთე რე, ნამუქჷთ შილებუ ინგლისიშ პრემიერ-ლიგაშ, ესპანური პრიმერაშ დო იტალიაშ სერია A-შ გომორძგუალა. აღიარაფილი რდჷ თე ტურნირეფიშ ირი სეზონიშ საუჯგუშო მოლაჸაფეთ დო ბომბარდირო. პროფესიული კარიერა დიჭყჷ პორტუგალიურ ოკუჩხბურთე კლუბი „სპორტინგის“, 2003 წანას გინორთჷ ინგლისურ ოკუჩხბურთე კლუბი „მანჩესტერ იუნაიტედიშა“, 2009 წანას — ესპანურ „რეალ მადრიდიშა“ (2013 წანშახ თე ტრანსფერიშ მუდანობა რეკორდული რდჷ კუჩხბურთიშ ისტორიას), 2018 წანას — იტალიურ „იუვენტუსიშა“. ანდაშა დეინალჷ France Football-იშ ორქოშ ბურთი (2008, 2016, 2017), ფიფაშ „ორქოშ ბურთი“ (2013, 2014) დო „ევროპაშ ორქოშ ბუცი“ (2008, 2011, 2014, 2015). კრიშტიანუ რონალდუ რე რეკორდსმენი ევროკლუბეფს მანჯებული მატჩეფიშ მუდანობათ, არძა ბორჯიშ ევროპული ტურნირეფიშ საუჯგუშო ბომბარდირი, უეფაშ ჩემპიონეფიშ ლიგაშ ისტორიას საუჯგუშო ასისტენტი დო რეკორდულო, შკვითშა რდჷ უეფაშ ჩემპიონეფიშ ლიგაშ სეზონიშ საუჯგუშო ბომბარდირი, ნამუეფშე ამშვის — მეჸუნელო: 2008 წანას, თაშნეშე 2013, 2014, 2015, 2016, 2017 დო 2018 წანეფს. მეჸუნაფილო მასუმა ჩემპიონეფიშ ლიგას გომორძგვილი რე „რეალ მადრიდიშ“ აკოდგინალუას დო გჷნირთუ პირველ მოლაჸაფეთ, ნამუქჷთ მიგჷ თე თასი ხუთშან. ქიგნაჯინით სტატიას... კანდიდატეფი შხვა გიშნაგორა სტატიეფი
გიჩქუდესო, ნამჷ-და...
ვიკიპედიაშ ახალი მასალეფშე: კოლხეთიშ ერუანული პარკიშ ართამი მიოჯინი ... იასონი დო არგონავტეფიშ გეშა მითოლოგიას ფიგურირენს კოლხეთიშ ერუანული პარკინ? ... 1802 წანაშ პირელს, ქორთუ ჟინოთალეფი, ნამუეფჷთ რუსეთიშით საქორთუოშ ანექსიაშ სააწმარენჯოთ გიშმეშესჷნ, ქართის მადვალი სიონიშ ოხიდას აკოშაყარეს, მუკი-მუკი რუსიშ ჯარი გორინელეფი აძვილეს რუსეთიშ საიმპერატორო გურგინიშ წჷმი დოფუჩაფან? ... იგოეთიშ გოხოლუას მანჯებული გონთხორუეფიშის მენაგორეფუ მუკნაჭარა, კავკაციაშ შხვა მიკნაჭარეფშე 1000 წანათ უმოსი ჯვეში რენ? ...წალენჯიხაშ ოკათედრე ოხიდა მოხანტილი რე XII-XIV ოო. ბიზანტიური პალეოლოგიური ხელუანობაშ ფრესკეფითინ? ... ერაყის მაართა სტამბა 1829 წანას ქორთული გამნარყიშ მამლუქიქ დაუდ-ფაშა გურჯიქ (დავით მანველაშვილი) დარსხუნ? ...დადიანეფიშ დოხორეს, ნამუთ XIX ო-აშ 80-ამ წანეფს რე ეგაფილი რუსი არქიტექტორიშ ლეონიდ ვასილიევიშითინ, საქორთუოს წჷმოსქილადირ დოხორეეფშე არძოშე დიდი ომეჯლისე დარბაზი უღუნ? ...ასოეფიშ — ჷ დო ჸ-შ ეკოროფუა ქორთულ კლავიატურას მარძგვანი Alt დო J დო მარძგვანი Alt დო Y კონჭეფიშ გენჭირათ შილებენ?.
დღაშ სურათი M-7 Kenison (ეკულა), მაუნთ ვაშინგტონიშ კიბირელი რკინაშარა, ნიუ-ჰემფშირი. M-7 Kenison (ეკულა), მაუნთ ვაშინგტონიშ კიბირელი რკინაშარა, ნიუ-ჰემფშირი. 📸 შხვა სურათეფი 📸

ახალი ამბეეფი
ფრიდრიხ მერცი გერმანიაშ საპარლამენტო გიშაგორუეფს, ფრიდრიხ მერციშ (სურათის) დუდალათ, ქდრ/ქსრ-ქ ბუნდესტაგის მიღჷ აბანეფიშ უმენტაშობა. არქეოლოგეფქ გეგჷმაცხადეს, ნამჷ-და ეგვიპტეშ ნოღა ლუქსორიშ გოხოლუას მენაგორეფუ ცაიორი საფულა Wadi C-4 ფარაონი თუტმოს II-ს ორხველჷნ. BAFTA-შ 78‑ა დოჯილფადაშ ცერემონიაქ იმანჷ: საუჯგუშო ფილმო აღიარეს ედვარდ ბერგერიშ ფილმი „კონკლავი“, საუჯგუშო რეჟისორო — ბრედი კორბეტი ფილმიშენ „ბრუტალისტი“, საუჯგუშო არტისტო — ედრიენ ბროუდი, საუჯგუშო ოსური არტისტო — მაიკი მედისონი. დონალდ ტრამპიქ ააშ-იშ 47-ა პრეზიდენტო გჷნირთუ. ჯოზეფ აიუნქ გიშაგორილქ იჸუ ლიბანიშ პრეზიდენტო ჟირწანიანი ვაკანტური პოზიციაშ უკული. კალიფორნიაშ დაჩხირეფიშ შედეგო, არძაშ უკულაში 16 ადამიერქ გოჭყორდჷ, დიჭჷ 13,000-შე უმოსი ნოდგჷმქ, დოხოლაფირო 180,000 ადამიერქ იჸუ ევაკუირაფილქ. მიმალი: რუსეთიშ მინოკათუა უკრაინაშა (2022-ა. შ.) • სუდანიშ ომენოღალე ლჷმა (2023-ა. შ.)
ამდღანერი დღა ისტორიას
2 მელახი — თე დღას... ომარ ალ-ბაშირი 986 : ლუი V-ქ ფრანკეფიშ მაფათ გჷნირთუ. 1836 : ტეხასიშ რევოლუცია — ტეხასიშ შტატიქ მექსიკაშე ზოხორინალა გეგმაცხადჷ. 1943 : მაჟირა მოსოფელიშ ლჷმა : ავსტრალიაშ დო ამერიკაშ ოჰეერე ნძალეფქ იაპონიაშ ფლოტიშ კონვოი მოჯალაგეს ბისმარკიშ ზუღაშ ბურჯაფის კოკ ახალ გვინეაწკჷმა. 1970 : როდეზიაქ საბოლოათ ჩეთხჷ ბრიტანეთიშ ომაფეს დო დუდი რესპუბლიკათ გეგმიცხადჷ. 1978 : კოსმოსურ ხვამარდ სოიუზ-28-თ ფურინელჷ ჩეხი ვლადიმირ რემეკი პირველი ვასხუნუალი დო ვაამერიკელი მენმოღალე რდჷ, ნამუქჷთ კოსმოსის მოხვადჷნ. 1992 : 1992 : აზერბაინჯანქ, თურქმენეთიქ, მოლდოვაქ, სომხეთიქ, უზბეკეთიქ, ყაზახეთიქ დო ყირგიზეთიქ გოეროშ მაკათურო გჷნირთეს ზოხორინელი სახენწჷფოშ სტატუსით. 2009 : ოერეფოშქაშე კრიმინალურ სასამართალოქ სუდანიშ პრეზიდენტი ომარ ალ-ბაშირიშ (სურათის) ჭოფუაშ სანქცია გოჩჷ კაჩიშობაშ სააწმარენჯოთ ნაქიმინა დჷნაშებუეფიშ გეშა. 📖 შხვა მოლინეფი 📖
ახალი სტატიეფი
რიჩარდ ფილიპს ფეინმანი (ინგლ. Richard Philips Feynman [ˈfaɪnmən]; დ. 11 მესი, 1918, ნიუ-იორქი ― ღ. 15 ფურთუთა, 1988, ლოს-ანჯელესი) — ამერიკალი ფიზიკოსი, ნობელიშ პრემიაშ ლაურეატი ფიზიკას (1965). 1943-1945 ბირთვული ანჯარიშ ქიმინუაშე მომუშე, მანჰეთენიშ პროექტიშ აქტიური მაკათური ლოს-ალამოსის, თაშნეშე რდჷ კოსმოსური შატლ „ჩელენჯერიშ“ კატასტროფაშ კჷლმაგორალი პანელიშ მაკათური. (ქიგნაჯინით სტატიას) ჭიჭე მაფასქირი (ფრანგ. Le Petit Prince) — ალეგორიული ნოველა; ფრანგი არისტოკრატიშ, ჭარუშ, პოეტიშ დო მაფურინეშ ანტუან დე სენტ-ეგზიუპერიშ არძოშე უმოსო ჩინებული ნახანდი. მაართათ გჷშეშქვინჷ 1943 წანას ნიუ-იორკის. ჭიჭე მაფასქირი ირიშენ უმოსი კითხირებული დო ირიშენ უმოსი თანგილი ფრანგულნინამი წინგი რე. საფრანგეთის თინა XX ოშწანურაშ საუჯგუშო წინგო აკირჩქინეს. გინოთანგილი რე 250-შე უმოსი ნინაშა დო დიალექტშა (თინეფ შქას ბრაილშა), მოსოფელიშ მასშტაბით გიმოჩამილი რე 140-შე უმოსი ეგზემპლარი დო წჷმარინუანს ირი ბორჯიშ ართ-ართი წჷმოძინელ ბესთსელერს. (ქიგნაჯინით სტატიას) ერნესტო რაფაელ გევარა დე ლა სერნა (დ. 14 მანგი, 1928 — ღ. 9 გჷმათუთა, 1967) — ოირკოჩეთ ჩინებული, მუჭოთ „ჩე გევარა“, ვარა „ელ ჩე“ რდჷ არგენტინალი ექიმი, მარქსისტი რევოლუციონერი, პოლიტიკოსი, კუბაშ პარტიზანული ლიდერი. (ქიგნაჯინით სტატიას) ფრიდრიხ ავგუსტ ფონ ჰაიეკი (დ. 8 მესი. 1899, ვენა — ღ. 23 მელახი. 1992, ფრაიბურგი, ბადენ-ვიურტემბერგიშ აკანს) ავსტრიალი ეკონომისტი. გათუ ვენაშ უნივერსიტეტი (1921). რდჷ ავსტრიაშ ეკონომიური რკვიეფიშ ინსტიტუტიშ დირექტორი (1927-1931), ლონდონიშ (1931-1950), ჩიქაგოს (1950-1962), ფრაიბურგიშ (1962-1969) უნივერსიტეტეფიშ პროფესორი, 1970-შე ზალცბურგიშ (ავსტრია) უნივერსიტეტიშ პროფესორ-კონსულტანტი. (ქიგნაჯინით სტატიას)