یہ ملاقات یونیورسٹی کے مین کیمپس میں ہوئی، جہاں دونوں رہنماؤں نے پاکستان میں اسکل ڈویلپمنٹ کے میدان میں ڈیجیٹل میڈیا کی تعلیم کو شامل کرنے کے لیے مشترکہ عزم کا اظہار کیا۔ طارق علی ورک نے کہاآج کے دور میں جہاں معلومات لمحوں میں دنیا بھر میں پھیلتی ہیں، ڈیجیٹل پلیٹ فارمز کی مہارت حاصل کرنا ایک ضرورت بن چکا ہے،پروفیسر ڈاکٹر محمد مختار نے کہا کہ نیشنل اسکلز یونیورسٹی اسلام آباد 21ویں صدی کے چیلنجز اور مواقع کے لیے اپنے طلباء کو تیار کرنے کے لیے پرعزم ہے۔

یہ ورکشاپ ہمارے نوجوانوں میں ڈیجیٹل مہارتوں کو فروغ دینے کے لیے ایک سنگ میل ثابت ہوگی،اس ورکشاپ کا آغاز آئندہ چند ماہ میں متوقع ہے، جس میں مواد تخلیق، سوشل میڈیا حکمت عملی، ڈیجیٹل کہانی نویسی، اور آن لائن پلیٹ فارمز کے اخلاقی استعمال جیسے موضوعات شامل ہوں گے۔ یہ پروگرام طلباء، اساتذہ، اور صنعت کے ماہرین کو ایک ساتھ لانے کے لیے ایک اشتراکی ماحول فراہم کرے گا۔ان کا کہنا تھا کہ یہ اقدام یونیورسٹی کے اس وسیع مشن کا حصہ ہے جس کے تحت پاکستان میں مہارتوں کے خلا کو پٴْر کرنے کے لیے ایسے پروگرام متعارف کرائے جا رہے ہیں جو جدید دور کی افرادی قوت کی ضروریات کے مطابق ہوں۔