9 مئی جلاﺅ گھیراﺅ مقدمے، شاہ محمود قریشی ،یاسمین راشد،صنم جاوید سمیت دیگر پر فرد جرم عائد

لاہور(اردوپوائنٹ اخبار تازہ ترین۔09 جنوری 2025)لاہور کی انسداد دہشتگردی عدالت نے 9مئی کے جلاﺅ گھیراﺅکے مقدمے میں پی ٹی آئی رہنماﺅں شاہ محمود قریشی ، یاسمین راشد ،صنم جاوید سمیت دیگر ملزمان پر فرد جرم عائد کر دی،تمام ملزمان نے صحت جرم سے انکار کیا،اے ٹی سی عدالت کے جج منظر علی گل نے مقدمے کی سماعت کوٹ لکھپت جیل میں کی،اس دوران پاکستان تحریک انصاف کے رہنماﺅں جن میں سابق وزیر خارجہ شاہ محمود،یاسمین راشد ،صنم جاوید سمیت دیگر ملزمان کو عدالت میں پیش کیا گیا۔

سماعت کے دوران جج نے فرد جرم پڑھ کر سنائی۔تھانہ شادمان پولیس نے تمام ملزمان کیخلاف تھانہ شادمان میں جلاﺅ گھیراﺅ کا مقدمہ درج کررکھا ہے۔ یاد رہے کہ اس سے قبل بھی گزشتہ سال 12دسمبر کو لاہور کی انسداد دہشتگردی عدالت نے تھانہ شادمان جلاﺅ گھیراﺅ کیس میں پاکستان تحریک انصاف کے رہنماءاور سابق وزیر خارجہ شاہ محمود قریشی ،پی ٹی آئی رہنماءیاسمین راشد،محمود الرشید پر فرد جرم عائد کی گئی تھی ۔

(جاری ہے)

اس موقع پر پی ٹی آئی رہنماﺅں نے صحت جرم سے انکارکیا تھا۔انسداد دہشتگردی عدالت کے جج مناظر علی گل نے کوٹ لکھپت جیل میں مقدمے کی سماعت کی تھی۔شاہ محمودقریشی ،یاسمین راشد اور محمورالرشید کو اے ٹی سی عدالت میں پیش کیا گیا تھا۔جج مناظر علی نے عدالت میں فرم جرم پڑھ کر سنائی تھی۔سماعت کے دوران سابق وزیر خارجہ شاہ محمود قریشی، سابق صوبائی وزیر صحت یاسمین راشد، سابق سینئر صوبائی وزیر میاں محمود الرشید، سینیٹر اعجاز چودھری، سابق گورنر پنجاب عمر سرفراز چیمہ اور دیگر ملزمان پر فرد جرم عائد کی گئی تھی۔

عدالت نے تھانہ شادمان جلاو گھیراو کے مقدمے میں فرد جرم عائد کرتے ہوئے آئندہ سماعت پر گواہوں کو طلب کیا تھا۔ قبل ازیں بھی انسداد دہشت گردی کی عدالت نے جلاﺅ گھیراﺅسمیت دیگر مقدمات میں پی ٹی آئی کے رہنما ﺅں شاہ محمود قریشی، ڈاکٹر یاسمین راشد،محمود الرشید سمیت دیگر پر فرد جرم عائد کرنے کی تاریخ مقرر کی تھی۔ انسداد دہشت گردی عدالت کے جج ارشد جاوید نے مسلم لیگ (ن) کا آفس جلانے سمیت 5 جلاو گھیراو کے مقدمات کی سماعت کی تھی۔

دوران سماعت عدالت نے ملزمان کو چالان کی کاپیاں تقسیم کی گئیں تھیں۔بتایا گیا تھا کہ ملزمان میں عمر سرفراز چیمہ، اعجازچوہدری، محمود الرشید سمیت دیگر شامل تھے۔انسداد دہشت گردی عدالت کے جج منظر علی گل نے عسکری ٹاور سمیت جلاﺅ گھیراﺅکے تین مقدمات میں ایم پی اے امتیاز محمود شیخ کی عبوری ضمانت پر آئندہ سماعت پردلائل طلب کئے تھے۔جے آئی ٹی نے جناح ہاﺅس کے قریب چوک میں گاڑیاں جلانے سمیت دو مقدمات میں امتیاز احمد شیخ کو قصوروار قرار دیا تھا۔