ئ*سپورٹس بورڈ پنجاب کے تعاون سے ہونیوالی جونیئر بیڈمنٹن نیشنل چیمپئن شپ اختتام پذیر

) لاہور (آن لائن)سپورٹس بورڈ پنجاب کے تعاون سے ہونیوالی جونیئر بیڈمنٹن نیشنل چیمپئن شپ اختتام پذیرہو گئی ، ڈائریکٹرجنرل سپورٹس پنجاب خضر افضال چودھری اختتامی تقریب کے مہمان خصوصی تھے،اختتامی تقریب میں ڈائریکٹر ایڈمن ڈاکٹر محمد کلیم ،پنجاب اولمپک ایسوسی ایشن سے ادریس حیدر خواجہ اور سیکرٹری پنجاب بیڈمنٹن ایسوسی ایشن طیب سہیل موجود تھے، جمنازیم ہال نشترپارک سپورٹس کمپلیکس میں ہونیوالی جونیئر بیڈمنٹن چیمپئن شپ کی اختتامی تقریب میں میڈیا سے گفتگو کرتے ہوئے ڈائریکٹرجنرل سپورٹس پنجاب خضر افضال چودھری نے کہا ہے کہ جونیئر بیڈمنٹن چیمپئن شپ کے کامیاب انعقاد پر منتظمین اور تمام ونر اور رنراپ کھلاڑیوں کو بھی مبارکباددیتا ہوں ، جونیئر بیڈمنٹن چیمپئن شپ سے نیا ٹیلنٹ سامنے آیا ہے،سپورٹس بورڈ پنجاب نے چیمپئن شپ کے انعقاد کیلئے ہرممکن تعاون فراہم کیا ہے ، بیڈمنٹن فیڈریشن اور ایسوسی ایشن نے چیمپئن شپ کے انعقادکیلئے بہترین کام کیاہے ، ڈائریکٹرجنرل سپورٹس پنجاب خضر افضال چودھری نے مزید کہا ہے کہ بین الصوبائی قائد اعظم گیمز میں پنجاب کے کھلاڑیوں نے شاندار کارکردگی کا مظاہرہ کیا ہے، جنوری میں جیتنے والے کھلاڑیوں کے اعزاز میں تقریب ہوگی ،ڈائریکٹرجنرل سپورٹس پنجاب خضر افضال چودھری نے تمام جیتنے والے کھلاڑیوں میں انعامات تقسیم کئے ہیں۔

(جاری ہے)

بوائز سنگلز انڈر 17فائنل میں خیبرپختونخوا کے حماد اللہ نے پنجاب کے محمد سلیمان کو21-19،21-10سے ہرادیا،گرلز سنگلز انڈر17فائنل آرمی کی ثروت فاطمہ نے پنجاب کی رومیسا فیصل کو 21-14،21-19سے ہرادیاہے ،مینز سنگلز انڈر19میں پنجاب کے محمد احمد گجر نے خیبرپختونخوا کے محمد حاشر کو 21-9،21-5سے شکست دے دی ہے،وومن سنگلزانڈر19میں آرمی کی عمارہ اشتیاق نے پنجاب کی کنزالایمان کو 21-7، 21-17سے ہرادیا،وومن ڈبلز انڈر19میں پنجاب کی طیبہ شفیق اور کنزالایمان نے سندھ کی مریم حنیف اور مریم حمزہ کو 23-21، 21-12سے شکست دے دی ہے، مینز ڈبلز انڈر19کا فائنل خیبرپختونخوا نے جیت لیا ہے، بوائز سنگلز انڈر15فائنل میں خیبرپختونخوا کے عبداللہ نے خیبرپختونخوا کے ہی محمد ایان کو 15-21،21-11،21-11سے شکست دے دی ہے۔