南明

中国历史系列文章
史 前 时 代			旧石器时代
			中石器时代
			新石器时代
			黄河文化				长江文化
传说时代 （三皇五帝）
夏 约前21世纪–约前16世纪
商 约前17世纪–约前11世纪
周 前11世纪 | 前256			西周 前11世纪–前771
			东周 前770–前256			春秋 前770–前476
						战国 前476–前221
秦 前221–前207 西楚 前206–前202
汉 前202 | 220			西汉 前202–8
			新 8–23
			玄汉 23–25 东汉 25–220
三国 220–280			魏 220–265			吴 229–280		蜀汉 221–263
晋 265-420			西晋 265–316
			东晋 317–420			十六国 304–439
南 北 朝 420 | 589			宋 420–479			北魏 386–534
			齐 479–502
			梁 502–557 后梁 555–587			西魏 535–557		东魏 534–550
			陈 557-589			北周 557–581		北齐 550–577
隋 581–619
唐 618–907 武周 690–705
五代十国 907–979						辽 (契丹) 916–1125 西辽 1124-1218		定难军 881–982 西夏 1038-1227
宋 960 | 1279			北宋 960–1127
			南宋 1127–1279			金 1115-1234
大蒙古国 1206–1271 元 1271–1368 北元 1368–1388
明 1368–1644 南明 1644–1662
后金 1616–1636 清 1636–1912
中华民国 1912至今
中华民国 （台湾）						中华人民共和国 1949至今
中国历史年表

南明是明朝灭脱之后，来勒明帝国南方先后拿朱明王族作为皇帝个流亡政权个总称。从1644年弘光来勒南京登基，到1662年桂王被吴三桂杀脱，一共存在18年。

历史

明帝国个陪都制度搭弘光个登基

15世纪初，明帝国拿首都从南京迁移到明成祖篡位之前个大本营：北平。让北平成为新个首都北京。弗过，为以防万一，南京还是保留老早个一套官僚行政机构。虽然来勒之后个年岁里向迭个机构基本没啥用。弗过还是作为陪都。为北方有难辰光提供了一个心理保障。 1644年3月，李自成率领伊个大顺军队进入北京。明帝国最后一个皇帝：朱由检来勒紫禁城后头个煤山上吊，明帝国作为一个统治东亚个大帝国从此灭亡。弗过，因为农民叛乱军队只占据帝国北方搭 四川地区。淮河以南个交关地域（包括：吴越、闽、岭南、湖湘）还是有明帝国老早任命个官僚掌握。留守勒南京个官僚系统从三月底晓得勒崇祯死脱个消息，随后便开始选择皇室继承人个工作。经过一系列个争斗搭妥协。最后，来勒江北个四个军阀个拥戴搭马士英等大臣个支持下，福王顺利登基，规定第二年改元弘光。这就是南明建立个开始。

派系斗争搭弘光政权个灭亡

弘光登基个辰光。满洲军队正进入北京。李自成退到西安。侪没啥心思关注迭个南京个“皇帝”。这就让弘光来勒1644年其余辰光之内没受到啥外部敌人个侵扰。弗过，弘光并没有多少可以施展个空间。伊手下头个文臣武将。已经陷入彻底个分裂当中。 弘光即位是江北个四个明帝国武将：左良玉、刘良佐、高杰、黄得功共同推举个结果。（伊拉也被叫做江北四镇)伊拉个资本就是防守南方个江北军队。弗过，迭个辰光个明帝国军队，已经成为类似军阀个存在，完全对南京个帝国官僚没尊重搭听命个兴趣。所以，弘光登基之后，只好拿这四个人分别赏赐贵族头衔。其余一概弗敢多问。黄宗羲对此曾经有文章讲：“马士英既借四镇以迎立，四镇遂为士英所结。史可法亦恐四镇之不悦己也，急封爵以慰之。君子知其无能为矣。” 南京朝廷内部也是问题严重。因为东林党个原因，大部分朝廷文官分为两派，相互明争暗斗。但对北面个局势，就啥道理搭方法也搞弗出来。大部分人认为应该“借虏平寇”—即让满洲人来消灭李自成个军队。这种想法当然是异想天开，脱离现实。但迭个辰光个文官自家也清爽。伊拉真正好调遣个军队所剩无几。就是文官系统，也只能有效维持江南几个省份个统治。所以大部分人侪抱有复杂个心态。看穿事实个人，屈指可数。

诸王个失败搭叛将反正

弘光政权被灭脱之后，明朝遗留来勒南京个官僚集团也灰飞烟灭。之后，各个宗室就乱套哉。1645年6月。唐王朱聿键来勒掌握福建实际权力个郑芝龙搭退休官僚黄道周个支持下，来勒闽地个福州称帝，年号隆武，这就是南明第二个称帝个隆武帝，伊个身份得到没被清朝征服个其余地区各承认，隆武帝年轻辰光看过交关书，一直想有作为，弗国，个辰光宗室只弗过是一个傀儡，一切侪要听从拥立伊继位个郑芝龙控制。1646年（隆武二年）二月，清军开始征伐福建搭浙江。八月，隆武帝向江西转移，因为随身携带书籍太多，被清军追上。杀脱。

就来勒福建发生隆武帝登基个同一辰光，浙江个士绅扶植鲁王朱以海到绍兴监国。个辰光，鲁王个军队搭清军隔钱塘江对峙。1646年（隆武二年）六月，鲁王兵败，来勒张煌言保护下逃亡海上。个辰光清朝再次宣布薙发令，吴越地区来勒文人煽动下，发生反满清暴乱。清军赶紧回去扑灭反叛。弗过，因为唐王弗承认鲁王个监国地位，两方发生激烈内讧。相互攻击，让南明个元气更受损伤。

弗过，迭个辰光，一些老早个军阀因为自家个利益问题，开始打出抗清个旗号，个当中主要有两支，一支是老早李自成个农民军队，包括刘体纯、郝摇旗等，伊拉逃到湖南，畀何滕蛟收编，成为抗清个军队。。同时，老早投降满洲人个一些军阀，也觉得来勒新个朝廷当将领捞弗到顶顶多个利益，所以，纷纷反叛。包括：李成栋、金声桓、姜镶等人。。这些叛乱将领，让满洲帝国难以应付，造成南明势力个转危为安。

參看

• 明朝
• 嘉定三屠
• 揚州十日