时新图文
依夫城堡（法文：Château d'If），造拉马赛非乌勒群岛上个城堡。
1516年辰光，法国国王弗朗斯伐一世（François Ier）来玛里娘打仗，一落头地打到马赛。从依夫岛望，渠分析马赛根本呒不防外侵个防卫设施，怪得渠命令来岛上造一个防卫城。隔脱仔8年，西班牙国王卡洛斯一世只想吃落马赛。虽然讲特派大臣米朗达勒拿进攻部队打退哉，不过箇事体还讲明一个问题：城市进口个防卫要加强。箇年，也便是1524年，第一批城墙开造咾，望渠里好保护港口，外加派仔两百个兵搭廿二门大炮摆勒岛上。
马赛人弗买账，还搭箇只城堡起着只绰号叫“讨惹厌个邻舍”。马赛人开始争论箇城堡，因为来1481年前，马赛弗是法国领土。怪得对渠里来讲，城堡是法国国王对马赛掌权个象征。
城堡最终来1531年造好。西班牙国王卡洛斯一世后歇来登1536年也亲自进攻马赛，不过渠登拉城堡边上兜仔几圈，终归还是呒没办法拿渠攻下来。
依夫城堡造好交关年数之后，大约莫来16世纪中期，渠多仔一项监牢个功能。为仔城堡个地理位置搭建筑风格咾，渠变成理想个监牢，难板有人逃得出。只要有人拿城堡守牢就好哉，外加城堡也从来朆有人来进攻。
但必过，依夫城堡真正出名是因为一本书：大仲马个《基督山伯爵》。箇本小说个主人公艾特蒙·堂戴斯就是关勒依夫城堡里向个。
尔儂曉得𠲎？
吳語消息
Spoken Wikipedia箇音頻文件是參照「
封面」勒嗰一個版本創建嗰，渠不會隨文章嗰編纂自動更新。（
音頻幫助）
- 四川省宜賓市筠連縣沐愛鎮發生山體滑坡崩脫，少講有得10家人家屋裏坍脫，約莫30人失蹤哉。
- 以色列搭哈馬斯完成哉第五趟調人質，哈馬斯交出3人調轉來183个人。兩隻當局互相啐人。
- 馬斯克講佢對收購TikTok嘸沒啥興趣，自家也㬟用過。WSJ个知情人話有得交關大公司全悄微微表示對收購是有興趣个。
- 詩篇23:1-4上海閑話朗讀。
新闻
吴语介绍
侬吴语讲得来𠲎？吴语是汉语族里向个一种闲话，历史交关悠久。讲吴语个人蹲扗江苏南面，浙江大部分，整个上海，安徽南面搭仔福建、江西少部分场许。有110隻横里县市通行吴语，人口8070万光景（2015年），在扗汉语族语言里向排第二位、世界丄排名第十。吴语有得交关种书写系统，汉字末是頂頂行搭传统个。
軋進維基百科來
维基百科是隻多种闲话、内容自由、大家侪好编写个协作打算，目标是建一部完整、准足外加中立个百科全书。
大家人来帮衬帮衬，一淘编写吴语维基百科，积累吴语文本资料。弗管是开新篇、修旧文，还是增插画，侪是替维基百科出力。
维基百科是非盈利性组织维基媒体基金会运作个。基金會下頭還有得別他幾隻多化閑話、內容開放个項目：
.jpg)
