Charles Martel van Anjou
Charles Martel van Anjou, van 't Huus Capet-Anjou, (Noapels, 8 september 1271 - Noapels, 12 ogustus 1295), was de zeune van Charles II van Anjou en Maria van Hongareye (1257-1323), een dochter van keunienk Stefanus V van Hongareye, en zuster van keunienk Ladislaus IV van et Huus Árpád.
Ost ie 18 joar oud was, wierd ie deur de paus benoemd tout titulair keunienk van Hongareye, als ipvolger van zyn nounkel Ladislaus IV, die gestorvn was zounder jounges. Moar et lukteg hem nie van te regeern, want zyn rivoal Andreas III was de facto keunienk.
Charles Martel trouwde me Clemence van Habsburg, dochter van Rudolf I, den êeste keunienk van 't Hillig Rôoms Ryk van 't Huus Habsburg. Z'haan drie jounges:
- Karel I Robert (1288-1342)
- Beatrice (1290-1354)
- Clementia van Hongareye (1293-1328). Ze was de twidde vrouwe van de Frãnsche keunienk Louis X, den oudste zeune van Philippe IV le Bel.
In 1308 kwam under zeune Karel I Robert den êeste keunienk van Hongareye van 't Huus Capet-Anjou.
|
Ofbeeldiengn die ier by passn ku je vien in de categorie Charles Martel of Anjou van Wikimedia Commons. |