't Baskisch (in 't Baskisch: Euskara of Euskera) is êen van de wèinige nie-Indo-Europeesche toaln van Europa. 't Wordt gesprook'n in Bask'nland, 't Spoans-Frans grensgebiëd an weerskant'n van de westelike Pyreneeën, en deur emigrant'n uut da gebiëd elders in de weireld. 't Is de moëdertoale van oengeveer 800.000 menschn weireldwyd. Doarvan weunn der 750.000 in Bask'nland zelve. In totoal zyn der 1,2 miljoen menschn die Baskisch spreekn.
Weegns de grôte verschiln tusschn 't Baskisch en al de bekende toalfamilies wordt de toale deur de mêeste linguïst'n anziën lik e g'isoleerde toale.
Chronologische koarte van de toalkundige evoluusje in Zuudwest-Europa tusschn 1000 en 2000
