Zvenigorod

Zvenigorod
Звенигород
Lidnanznam;	Flag;
Valdkund	Venäma
Eläjiden lugu (2020)	22,317 ristitud
Pind	48,1 km²
Telefonkod	+7−49 869-x-xx-xx
Avtokod	50, 90, 150, 190, 750
Aigvö	UTC+3 (MSK+0)

Zvenigorod (ven.: Звени́город) om Venäman lidn Moskvan agjan keskuzpalan päivlaskmas. Mülüb Odincovon lidnümbrikho, sen kahtenz' lidn nelläspäi eläjiden lugun mödhe, edel vn 2019 vilukud oli erižeks lidnümbrikoks.

Istorii

Eländpunktan aluz om pandud läz 1152. vot, mainitase kirjutadud purtkiš vspäi 1339. Moskvan Zvenigorod oli varmitadud lidn (Kremlin pudotez om kaičenus), Zvenigorodan ruhtinazkundan keskuz vll 1339−1492. Sai makundan lidnan oficiališt statusad vl 1781. Toižen mail'mansodan aigan lidn ei olend okkupiruidud nacistoil, no hö tuliba lidnannoks vn 1941 lopus. Mülütihe lähižid žiloid lidnha vl 2003.

Zvenigorod šingotase turizmal, lebutahoks, kancelärižtavaroiden pästandal, sömtegimištol.

Geografijan andmused

Lidn sijadase lidnümbrikon keskuzpalas, Moskv-jogen molembil randoil, 150 m ü.m.t. keskmäižel korktusel. Matkad Moskvan rengazavtotehesai om 30 km päivnouzmha, lidnümbrikon Odincovo-keskushesai om 25 km päivnouzmha. Röunatab Moskv-lidnan palanke päivnouzmas. Toižed lähembaižed lidnad oma Golicino i Krasnoznamensk 17 km suvhe.

Passažirine Zvenigorod-raudtestancii radab lidnan suves sarakon lopus Golicinospäi vspäi 1925. Moskvan agjan pen' rengazavtote (A107-trass) ümbärdab lidnad. Moskvan agjan suren rengazraudten koume platformad ratas lidnan päivlaskmaižel röunal.

Eläjad

Vl 1939 lidnan ristitišt oli 6 272 eläjad, vl 1959 — 8 842 eläjad. Vn 2010 Venäman rahvahanlugemižen mödhe lidnan eläjiden lugu oli 16 395 ristutud, rajonan (nüg. lidnümbrik) viž procentad. Kaikiš suremb lidnan ristitišt om enamba 20 tuhad eläjid vspäi 2016 (22 513 rist. vl 2018).

Rahvahad (2010): venälaižed — 91,5 %, ukrainalaižed — 1,7 %, armenijalaižed — 1,1 %, toižed rahvahad — 5,7 %.

Ortodoksižen hristanuskondan kahesatoštkümne pühäpertid^[1] oma kaičenus da saudud lidnas: Savvino-Storoževskii jumalankodi (seičeme pühäpertid), Jumalanmaman Emäganpäivän päjumalanpert', ühesa jumalanpertid i časoun'.

Professionaližen opendusen aluzkundad oma Zvenigorodan finansiž-ekonomine kolledž^[2], Olimpižen rezervan škol-tehnikum nomer 2^[3] i Krasnogorskan kolledžan Zvenigorodan filial.

Galerei

Lidnan tobmuden pert' (2007)
Savvino-Storoževskii jumalankodi, vn 2011 nägu
Moskv-jogi lidnas (2007)
Lübov' Orlovan kul'turkeskuz (2015)
Zvenigorod-päraudtestancijan sauvuz vl 2020

Homaičendad

Irdkosketused

Zvenigorod Vikiaitas

	Moskvan agjan lidnad
	Aprelevk \| Balaših \| Beloozörskii \| Bronnici \| Čehov \| Černogolovk \| Dedovsk \| Dmitrov \| Dolgoprudnii \| Domodedovo \| Drezn \| Dzeržinskii \| Dubn \| Elektrogorsk \| Elektrostal' \| Elektrougli \| Fräzino \| Golicino \| Himki \| Hot'kovo \| Istr \| Ivantejevk \| Jahrom \| Jegor'jevsk \| Kašir \| Klin \| Kolomn \| Korolöv \| Kotel'niki \| Krasnoarmeisk \| Krasnogorsk \| Krasnozavodsk \| Krasnoznamensk \| Kubink \| Kurovskoje \| Likino-Dulövo \| Litkarino \| Lobn' \| Losino-Petrovskii \| Luhovici \| Lüberci \| Mitišči \| Možaisk \| Naro-Fominsk \| Noginsk \| Odincovo \| Orehovo-Zujevo \| Ozöri \| Pavlovskii Posad \| Peresvet \| Podol'sk \| Protvino \| Puščino \| Puškino \| Ramenskoje \| Reutov \| Rošal' \| Ruz \| Sergijev Posad \| Serpuhov \| Solnečnogorsk \| Stupino \| Šatur \| Ščolkovo \| Zaraisk \| Zvenigorod \| Žukovskii \| Taldom \| Vanh Kupavn \| Verei \| Vidnoje \| Visokovsk \| Volokolamsk \| Voskresensk

[1] Zvenigorodan pühäpertid sobory.ru-saital. (ven.)

[2] Zvenigorodan finansiž-ekonomižen kolledžan lehtpoled Venäman ohjastusen Finansižen universitetan fa.ru-saital. (ven.)

[3] Olimpižen rezervan školan-tehnikuman nomer 2 sait (uor-zvenigorod.ru). (ven.)

[1]

[2]

[3]