Novoaltaisk

Novoaltaisk
Новоалтайск
	Lidnanznam;
Valdkund	Venäma
Eläjiden lugu (2021)	73,049 ristitud
Pind	72,2 km²
Pämez'	Vladimir Bodunov; (viluku 2022—)
Telefonkod	+7−38 532-xx-xxx
Avtokod	22
Aigvö	UTC+7 (MSK+4)

Novoaltaisk (ven.: Новоалта́йск) om Venäman lidn da lidnümbrik Altajan randan pohjoižes. Se om randan nellänz' lidn eläjiden lugun mödhe, Barnaulan päivnouzmaine kaimdailidn, Pervomaiskojen rajonan administrativižeks keskuseks mugažo, ei mülü rajonha.

Istorii

Eländpunktan aluz om pandud vl 1736 kuti Česnokovk-külä (ven.: Чесноковка) Česnok-närituznimen mödhe, muga nimitihe joged-ki. Kätihe radnikžiloks vl 1936. Žilo sai lidnan statusad vl 1942. Udesnimitihe nügüdläižikš vl 1962. Vl 2004 lidnanvuitte Belojarsk-žilo mülüi lidnha mikrorajonaks.

Novoaltaisk šingotase raudten edheotandoil (vagonansauvomižen tegim, sortiruindstancii), sauvondmaterialiden sarakol (raudbetontegesed, katuzmaterialad, špaloiden da pachiden tegim sauvomha raudteid), mugažo maidtegim radab.

Geografijan andmused

Lidn sijadase Ob'-jogen oiktal randpolel, seičemes kilometras jogespäi, 140 m ü.m.t. keskmäižel korktusel.

Matkad Barnaulan röunhasai (Obin hura rand) om seičeme kilometrad päivlaskmha avtotedme vai raudtedme.

Tobmuz

Novoaltaisk om lidnümbrikon üks'jäižeks eländpunktaks. Jagase koumeks rajonaks, kaikuččes ičeze administracii radab. Lidnümbrikon pind om 74,94 nellikkilometrad lidnan erineden (sen pind om 72,2 km²).

Edeline lidnan pämez' om Sergei Jeremejev (viluku 2017 — viluku 2022).

Eläjad

Vn 2010 Venäman rahvahanlugemižen mödhe lidnan eläjiden lugu oli 70 437 ristitud, vn 2021 — 73 049 ristitud. Kaik 73 712 eläjad oli lidnas vl 2017. Kaikiš suremb lidnan ristitišt om nügüd', oli vll 1998−2009 i om vspäi 2016, enamba 73 tuh. eläjid.

Ortodoksižen hristanuskondan viž pühäpertid^[1] om avaitud lidnas: nell' jumalanpertid i üks' kodijumalanpert'.

Lapsiden opendusen aluzkundad oma severz'-se päivkodid, keskškolad, čomamahtoiden škol čomamahtoiženno školanno (tehnikumanno). Lidnan professionaližen opendusen aluzkundad oma Novoaltaiskan valdkundaline čomamahtoine škol (tehnikum)^[2], profopendusen licei^[3], toižiden lidnoiden aluzkundoiden filialad.

Galerei

Muštnik radajile Suren sodan aigan (2016)
Pölištunuziden nevondkundaližhe tobmudehe näht partizanoiden velleskaum, vn 2016 nägu
Tegimištzon vl 2022
Laukad äižiruižiš pertiš vl 2008
VL80S-serijan vedim lidnas vl 2008

Homaičendad

Irdkosketused

Lidnümbrikon tobmuden sait (novoaltaysk.gosuslugi.ru). (ven.)

Novoaltaisk Vikiaitas

	Altajan randan lidnad
	Aleisk \| Barnaul \| Belokurih \| Bijsk \| Gornäk \| Jarovoje \| Kivi Obil \| Novoaltaisk \| Rubcovsk \| Slavgorod \| Zarinsk \| Zmeinogorsk

[1] Novoaltaiskan pühäpertid sobory.ru-saital. (ven.)

[2] Novoaltaiskan valdkundaližen čomamahtoižen školan (tehnikuman) sait (anghu.edu22.info). (ven.)

[3] Novoaltaiskan profopendusen licein sait (alpu44.ru). (ven.)

[1]

[2]

[3]