Juto:Guida esensiaƚe

Come consultare el Wikisionario

Te poi consultar el Wikisionario scrivendo el nòme de ƚa voxe che te intaresa inte'l ricuadro de riserca che te cati inte ƚa pàjina prinsipaƚe e strucando el boton Serca par trovar ƚa voxe exata o el boton "Serca drento el scrito par catar i artìcoƚi 'ndove ghe xe la paròƚa che te ghe dixità. Ricordate che'l Wikisionario el xe case sensitive e donca se te dixiti na paroƚa co la maiuscoƚa ƚu el te cata cueƚa e no cheƚa co la minuscoƚa.

Oltre a la consultasion direta te pol navegar anca infrà le categorie doparando la vacheta.

Come crear na voxe

Varda anca Creasion ràpida

Nòde inportanti so'l derito d'autor

Se te desidi de scrivare o canbiar na voxe, tuti chel che te scrivi el ga da èsar òpara tua o de dominio publico o el ga da 'ver na licensa sufisentemente libaraƚe (par exenpio: GNU FDL (testo - tradusion in itaƚian)), opure te ghe da 'ver otegnùo el parmeso esplisito, da parte del autor orixenario, de doparar el scrito inte sto projeto.

D'ogni modo chel che xe protèto dal derito d'autor el xe senpre e soƚo che'l scrito, no le informasion contegnùe. Par sto motivo de soƚito se varda le fonti par rancurar informasion che dopo se scrivarà so'l Wikisionario co paròƚe pròpie.

Ƚa licensa GNU FDL che coerxe tuto el material de sto sito la ghe parmete a tuti de canbiar e/o redestriubir tuto libaramente a gratis o no. Se te sta ben e te credi al spìrito de libartà che'l anema sto projeto eƚora taca suito a darne na man! Se invese no te comoda eƚora pasiensa.

Nosion fondamentaƚi

Tuti pol canbiar ogni pàjina del Wikisionario senplismente strucando so "Canbia". Se podaria cuindi credare che, par colpa del vandaƚismo, i artìcoƚi de bona cuaƚità i vegna rovinai. Ma no xe cusì, parché dato che vien conservae tute le vece version de tute le pàjine se fa presto a sistemar. Par vardar tute ƚe vece version de na pàjina basta strucar so "Varda ƚa 'storia".

Altre robe fondamentaƚi da saver:

Cosa che te vui otignir	Cosa che te ghe da scrivare par otignerlo
Nova sesion [canbia] Sotosesion Sotosotosesion	== Nova sesion == === Sotosesion === ==== Sotosotosesion ==== Òcio: No doparar la sintasi, "= Tìtoƚosesion =", co un "=" ùgnoƚo parché la xe riservà al tìtoƚo.
Eco come métare in evidensa serte parti del scrito. graseto corsivo graseto corsivo	'''graseto''' ''corsivo'' '''''graseto corsivo'''''
Par separar un paragrafo da cheƚo dopo, basta che te ƚasi na riga bianca infrà i do paragrafi. Sta fraxe ƚa fa ncora parte del primo paragrafo. Co cuesta invese taca chel novo.	Par separar un paragrafo da cheƚo dopo, basta che te ƚasi na riga bianca infrà i do paragrafi. Sta fraxe ƚa fa ncora parte del primo paragrafo. Co cuesta invese taca chel novo.
Anca far na lista xe asé fasiƚe. Basta métare un asterisco prima de ogni voxe: prima voxe, seconda voxe, tersa voxe xontando asterischi se xonta sotoelenchi cusì Se pol anca far liste numerae co'l sinboƚo "porteƚeto" asé senplisemente Xe posibiƚe anca far na lista un fia numerà e un fia no: prima voxe seconda voxe	Anca far na lista xe asé fasiƚe. Basta métare un asterisco prima de ogni voxe: * prima voxe, * seconda voxe, * tersa voxe xontando asterischi se xonta sotoelenchi * cusì Se pol anca far liste numerae # co'l sinboƚo "porteƚeto" ## asé senplisemente Xe posibiƚe anca far na lista un fia numerà e un fia no: #prima voxe #*seconda voxe
Ligamento al verbo métare: métere No xe obligatorio che el nòme de la voxe el vegna fora inte'l scrito del ligamento. Par exenpio: Proe	Ligamento al verbo métare: [[métere]] No xe obligatorio che el nòme de la voxe el vegna fora inte'l scrito del ligamento. Par exenpio: [[Wikisionario:Pàgina de ƚe proe\|Proe]]
Ligamento a sito foresto: http://www.Wikizionario.org [1] Ligamento a sito foresto "rinominà": Wikisionario inglexe	Ligamento a sito foresto: http://www.Wikizionario.org [http://www.Wikizionario.org] Ligamento a sito foresto "rinominà": [http://www.Wikizionario.org Wikisionario inglexe] SD: xe inportante métare el prefiso http://

Notarse so'l Wikisionario

I pasaji indicai in sta sesion no i xe obligatori, ma i xe consejai par fasiƚitar la conosensa infrà Wikisionariani e par asociar el pròpio nòme ai contributi che se ofre. In pì, serte funsion del Wikisionario cofà Upload e 'l spostamento de pàjina le xe riservae ai utenti registrai.

Struca so'l link "log in" in sima a drèta de la pàjina, po inserisi un nome utente e sieƚi na password, donca inserisi un indiriso e-mail e clica so "Crea novo account".

Par informasion pì in detajo varda Ajuto:Come rejistrarse.

Discusion so de na voxe

Eventuaƚi discusion so de na voxe le va fate so la pàjina de discusion, par entrarghe basta strucar so'l boton "Discusion" che se cata in sima a la pàjina so la sanca.

Pàjina ultemi canbiamenti

Come se fa a saver cuaƚi che xe stae le ulteme voxe inserie o canbiae? Artìcoƚi che magari i xe da corejere o da vaƚutare, opure anca discusion interesanti so un artìcoƚo... Par tegner d'òcio ste novità basta ndar su Speciale:ÙltimiCanbiamenti. In cheƚa pàjina se cata la lista dei canbiamenti resenti in ordene storego co indicasion del autor e a volte (se'l autor ƚo ga inserio inte la caxeƚa "Ogeto" prima de strucar so Salva) un comento che'l spiega che modifega xe sta fata.

Concluxion

No sta èsar spaìxego e masa preocupà de sbaƚiar: xe robe che pol capitar, ma 'l bèƚo del Wikisionario xe che presto calchedun corejarà. Un poco a la volta te vegnarà naturaƚe doparar el stiƚe giusto.

Ricordate: se pròpio no te se da 'ndove scominsiar ghe xe un fia de laori de manutension da far, opure, se te conosi na lengua foresta, te podarisi tradur un artìcoƚo da calche version in altra lengua del Wiksionario.

Pàjine ligae

FAQ