Toʻlqin Tojiyev

Toʻlqin Tojiyev
Tavalludi	13-aprel 1936-yil Toshkent, Oʻzbekiston SSR
Vafoti	13-dekabr 2024-yil(2024-12-13) (88 yoshda) Toshkent, Oʻzbekiston
Fuqaroligi	SSSR → Oʻzbekiston
Kasbi	Aktyor, dublyaj aktyori
Faoliyat yillari	1959—2024
Turmush oʻrtogʻi	Manzura Tojiyeva
Mukofotlari

Toʻlqin Joʻrayevich Tojiyev (1936-yil 13-aprel Toshkent – 2024-yil 13-dekabr) – Oʻzbekiston xalq artisti (1988). Toshkent teatr va rassomlik sanʼati institutini tugatgan (1959). 1959—1996-yillarda Hamza teatrida aktyor oʻlaroq faoliyat yuritgan.

Biografiyasi

Asosiy rollari: Bobchinskiy va Xlestakov (N. Gogol, „Revizor“), Edgar, Yago (U. Shekspir, „Qirol Lir“, „Otello“), Mansur va Jomiy (Uygʻun, I. Sulton, „Alisher Navoiy“), Orif (I. Sulton, „Imon“), Abdullatif (M. Shayxzoda, „Mirzo Ulugʻbek“), Jontoy (Ch. Aytmatov, „Sarvqomat dilbarim“) va boshqa Yago – uning sahnadagi eng murakkab, ayni vaqtda eng muvaffaqiyatli rollaridan biri. U yaratgan obrazlarida har bir qahramonga xos xarakter, uning tashqi koʻrinishi va ichki kechinmalarini ochib berishda aktyor mahoratining barkamolligi koʻzga tashlanadi. Chuqur psixologik talqin, ijtimoiy xarakterning oʻtkirligi, yorqin milliy kolorit Tojiyev ijodiga xos. Tojiyev kinodagi rollari bilan ham tanilgan: Jurjoniy („Abu Ali Ibn Sino“), Hakim („Ikkinchi bahor“), Mahmud („Mahallada duvduv gap“), Quddus („Besh ogʻaynilar“), Omon („Bu yerdan chegara oʻtadi“, 3 kismli), Togʻayev („Siz kimsiz?“), Qodirov („Qora baliq izi“, besh qismli, „Lenfilm“), Hasanov („Hayot sening qoʻlingda“) va boshqa Tojiyev dublyaj sanʼati ustalaridan. Radioda „Tabassum“ eshittirishi, „Qarmoq“ satirik radiojurnalining boshlovchisi sifatida tanilgan.

Dublajda ovoz bergan filmlari

„Qilich va qalqon“ (SSSR filmi, 1960);

„Alvon yelkanlar“ (SSSR filmi, 1962);

„Ahmad qayerda?“ (Ozarbayjon filmi, 1963);

„Ayoz bobo“ (SSSR filmi, 1964);

„Ы“ operatsiyasi va Shurikning boshqa sarguzashtlari (SSSR filmi, 1965);

„Arshin mol olon“ (Ozarbayjon filmi, 1965);

„U zamonlar oʻtib ketdi“ (Gruziya filmi, 1965);

"Avtomobildan saqlaning<“ (SSSR filmi, 1966);

„Alovuddinning sehrli chirogʻi“ (SSSR filmi, 1967);

„Kavkaz asirasi“ (SSSR filmi, 1967);

„Finist sarlochin“ (SSSR filmi, 1967);

Mukofotlaari

• 1988-yilda Oʻzbekiston SSR xalq artisti unvoni berilgan.
• 1997-yilldaa „Doʻstlik“ ordeni bilan mukofotlangan.

Havolalar

• Toʻlqin Tojiyev Kino-teatr.ru saytida