Majōnez
 |
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
.jpg)
Majōnez (ôd fr. mayonnaise) to je zimnŏ, emulsyjnŏ zōuza, ô szyrokim zastosowaniu, jednŏ ze bazowych zōuz[1]. Przōdzi wyrŏbiany ryncznie, a ôd zaczōntku XX stoleciŏ tyż industryjowo, we formie dŏwajōncyj sie dużyj przechowować.
Skłŏdniki
[edytuj | edytuj zdrzōdło]Bazowym skłŏdnikym klasycznego majōnezu je ôliwa z przidŏwkym surowego żōłtka za skłŏdniku emulgujōncego, prziprawiōnŏ ôctym winowatym abo cytrōnōm, solōm i biołym pfeferym. Terŏźnie w praktyce kuchynij jak tyż we industryjalnyj produkcyji trefiŏ sie roztōmajte warianty majōnezu i roztōmajte ôdpadajōnce im recepty. Przede wszyjskim ôliwa z ôliwek zastympowanŏ je zaôbycz inkszymi roślinnymi ôlejami. Zamiast surowego żōłtka pasuje sie czasym żōłtka warzōne abo cołke surowe jajca, a we industryjalnyj produkcyji jajca we pulwrze. Czynsto trefianym przidŏwkym je zymft. Trefiŏ sie tyż roztōmajte doprawy, bp. cuker. Do majōnezōw produkowanych industryjowo przidŏwŏ sie tyż stabilizatory, konsyrwanty, barwiczki i syntytyczne arōmaty.
Przipisy
- ↑ Rzecz o majōnezie, Inkszo.pl, 10 lipca 2018 [dostymp 2021-04-23] (ślōnski).