Kloropil
Kloropil mangrupa pigmén potosintétik héjo nu aya dina tutuwuhan, algae, jeung sianobaktéri. Ngaran ieu diturunkeun tina basa Yunani kuna: kloros (héjo) jeung fillon = daun. Kloropil paling kuat nyerep bagian bulao jeung beureum tina spéktrum éléktromagnétik, sedengkeun nu héjo mah teu pati kaserep. Ku sabab kitu daun némbongan dina kelir héjo.
Kloropil jeung potosintésis
[édit | édit sumber]
Kloropil penting pisan dina potosintésis, nyaéta pikeun nyerep énérgi cahya. Molekul kloropil ayana dina kompléks protéin pigmén nu katelah potosistim, nu nangkod dina mémbran tilakoid kloroplas. Dina kompléks ieu, kloropil boga dua pancén: nyerep cahya jeung ngamalirkeun énérgina maké jalan alih énérgi résonans ka pasangan kloropil husus di puseur réaksi dina potosistim. Alatan kahususan panjang gelombang cahya nu diserepna, wewengkon daun nu ngandung molekul ieu bakal katembong héjo. Mun daunna diuji ku iodin, nu némbongkeun hasil positip pikeun aci téh ukur wewengkon nu héjo. Hal ieu ngandung harti yén potosintésis moal jalan mun euweuh kloropil. Potosistim II jeung Potosistim I mibanda kloropil nu puseur réaksina béda: P680 jeung P700. Ieu pigmén dibéré ngaran kitu luyu jeung panjang gelombang (dina nanométer) punclut serepan beureum pangluhurna.
Wangun kimia
[édit | édit sumber]Kloropil téh pigmén klorin nu wangunna sarta dijieunna sarupa jeung pigmén porfirin séjén kawas hémé. Di tengah cingcin porfirin aya ion magnésium, sedengkeun ranté gigirna mah bisa béda-béda, tapi ilaharna mah ngandung ranté pitol. Aya sababaraha bentuk kloropil nu aya di alam:
| Kloropil a | Kloropil b | Kloropil c1 | Kloropil c2 | Kloropil d | |
|---|---|---|---|---|---|
| Rumus molekul | C55H72O5N4Mg | C55H70O6N4Mg | C35H30O5N4Mg | C35H28O5N4Mg | C54H70O6N4Mg |
| Gugus C3 | -CH=CH2 | -CH=CH2 | -CH=CH2 | -CH=CH2 | -CHO |
| Gugus C7 | -CH3 | -CHO | -CH3 | -CH3 | -CH3 |
| Gugus C8 | -CH2CH3 | -CH2CH3 | -CH2CH3 | -CH=CH2 | -CH2CH3 |
| Gugus C17 | -CH2CH2COO-Phytyl | -CH2CH2COO-Phytyl | -CH=CHCOOH | -CH=CHCOOH | -CH2CH2COO-Phytyl |
| Beungkeut C17-C18 | Tunggal | Tunggal | Ganda | Ganda | Tunggal |
| Ayana di alam | Sadaya | lolobana tutuwuhan | Rupa-rupa algae | Rupa-rupa algae | Sianobaktéri |
 |
 |
Karakterisasi spéktral kloropil
[édit | édit sumber]Punclut serepan kloropil a aya dina panjang gelombang 665 nm jeung 430 nm, sedengkeun fluoresensna mencar dina 673 nm.
Rujukan
[édit | édit sumber]- Chlorophyll, Wikipédia édisi basa Inggris per 15 Maret 2007.
- Speer, Brian R. (1997). "Photosynthetic Pigments" in UCMP Glossary (online). University of California, Berkeley muséum of Paléontology. Verified availability March 12, 2007.
- PDF review-Chlorophyll d: the puzzle resolved
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |