Lingua tatara
Lu tataru (tatar tele, tatarça ;n cirillicu татар теле, татарча) è na lingua dâ famigghia dî lingui turchi, ca si parra ntî na certa riggiuni di l'Urali, n Ucraina e ntî l'Asia cintrali. E' parrata di ammeri 8.000.000 di pirsuni.
Lingui affini
[cancia | cancia la surgenti]Àutri lingui canusciuti comu "tatari" (lu tataru di Crimìa, lu tataru caucasicu e lu turcu-tataru dâ Sibberia uccidintali) sunnu assai simili a lu tataru di Kazan', ma 'un pi chissu sti lingui sunnu mutuarmenti ntilliggìbbili.
Distribbuzzioni giugrafica
[cancia | cancia la surgenti]Lu tataru è parratu n vari arii d'Europa, dâ Russia, n Estonia, n Finlannia, n Pulonia, n Ucraina e n Asia, n Sibberia, n Cina, e Turchia.
Lu tataru di Kazan' è videmma la lingua nativa di ammeri 400.000 baschiri (risidenti suprattuttu ntâ citati di Ufa) e di acchi migghiara di mari. Puru la tribbù mordvina deo Qaratay parra lu tataru e videmma pi chissu lu tataru è cunzidiratu la lingua franca di tatari, baschiri, ciuvasci, kazaki, mari, mordvini e udmurzi.
Alfabbetu
[cancia | cancia la surgenti]Li alfabbeti usati varianu a secunnu dâ zona di nfruenza di la prima lingua: Cirillicu (zona russa), Latinu (zona di li lingui rumanzi o di chiddi c'aduttanu l'alfabbetu latinu) e l'Àrabbu (Asia cintrali, Càucasu e Mediu Urienti).