Barilla

Barilla est un'impresa murtinassionale italiana de su setore alimentàriu, lìdera mundiale in su mercadu de sos macarrones sicos, de sos sutzos prontos in Europa, de sos produtos de forru in Itàlia e de su pane àrridu in sos paìsos iscandìnavos.

Zeneralidades e datos de su Grupu Barilla

Sa famìlia Barilla ghiat s'impresa dae addae de 139 annos. Moende cun su santugaìne de 2012, s'amministradore delegadu est Claudio Colzani.

Sa produidura de Barilla si basat in 30 tzentros produtivos, intre macarronerias, forrerias e molinos. Sos molinos de propiedade, cuntrollados deretamente dae Barilla, aprovisionant a inghìriu de su 70% de sa matèria prima netzessària a sa produidura; s'impresa possedit e zestionat deretamente otu macarronerias: Pedrignano (Parma), Foza, Caserta, Tebe (Grètzia), Bolu (Turchia), Ames (Iowa-IAA), Avon (Noa Iorcu-IAA) e San Luis Potosí (Mèssigu), in sos cales si produint unas 900.000 tonnelladas de macarrones s'annu, diferentziados in 160 formatos de macarrones de sìmula e addae de 30 de macarrones a s'ou sicos e prenados.

In su 2008, Barilla at tzèdidu sos marcos Tre Marie e Sanson a s'impresa produidora de astrados Sammontana, cando ch'in su 2012 at tzèdidu sa Number 1 Logistics a su Grupu FISI.