Янко Матушка
|
Янко Матушка | |
|---|---|
| Janko Matúška | |
| Janko Matúška.jpg | |
| |
| Уроджѣня | Janko Matúška януара 10., 1821  Долный Кубин, Австрийска империя
|
| Умертя | януара 11., 1877 (56 р.) Долный Кубин, Австрийска империя |
| Погреб | Долный Кубин |
| Занятя | поет, писатель, драматик |
| Язык творох | словеньскый |
| Народность | Словак |
| Горожанство | Австро-Угорьско |
| Час творбы | 1844–1849 |
| Жанры | поезия, проза, драма |
| Вызначны роботы | Nad Tatrou sa blýska |
| VIAF:30462091; GND:124097006; LCCN:no2017136457; NLKR/NLC:jn20010316023; OL:OL5712093A;
| |
Я́нко Мáтушка (словац. Janko Matúška; *10. януар 1821, Долный Кубин, Австрийска империя – †11. януар 1877, там же) — словацкый поет романтизма, писатель, новинарь, автор текста словацкой гимны Над Татров ся блискать.
Биография
[едітовати | едітовати жрідло]Походив з родины ремеселника Юрая Матушкы и його жены Зузаны родж. Бенцуровой. По закончѣню гимназии в Гемерѣ штудовав теологию на евангелицком лицею в Братиславѣ (1839–1844), де ся спознав зо штуровцями.[1]
В лицею екзистовала Cathedra Slavica (Славянска катедра або иншак Катедра словенска прешпуркска, позднѣйше называна историками литературы Катедра чехословацкого языка и литературы, на чолѣ котрой стояв в том часѣ Людовит Штур, наступник Юрая Палковича. Штур, на роздѣл од Палковича, хотѣв розвивати литературный язык на основѣ людовой бесѣды середньословацкой, а пропаговав то ай своим штудентам, за што в децембрѣ 1843 быв суспендованый. На знак протеста в марцу 1844 з лицея одышли 22 штуденты, а быв меджи нима и Янко Матушка. Катедра надале пропаговала лем чешску старобиблийчину.[2]
Матушка склав екстерно испыт у евангелицкого суперинтенданта, жебы мав право учительовати, вернув ся на Ораву и в роках 1844–1848 працовав яко воспитатель в родинах в Оравском Подзамку. В револучных роках 1848–1849 зучастнив ся Словацкого повстаня, а по його поражцѣ ся мусѣв скрывати по лѣсах и горах, што тяжко засягло його здоровля.[1]
14. януара 1851 ся оженив з Жофиев Веселовсков, варощанков з Наместова. Од того року а до року 1875, коли быв передчасно пензионованый служив на урядницкой службѣ. Але не быв щастливый: скламаный з неуспѣху револуции, утратившый стары приятельскы вязбы, часто не мав дяку, быв затерпнутый ку людьом, зачав ходити грати до касина. Урядницку роботу докончовав рядно, але не быв любленый меджи урядниками. Умер 56-рочный на наслѣдкы погоршуючого ся здоровля.[3]
Творба
[едітовати | едітовати жрідло]Свои первы вершы и вершованы легенды зачав писати уже в часѣ штудий на Братиславском лицею. Писав, главнѣ, патриотичны вершы, даколи вершованы легенды, в котрых ся вдохновляв фолклором. Не так го интересовала сама история, скорѣй ся усиловав указати емоционалный живот героя и змальовати атмосферу, в котрой ся история одогравала. В драмѣ и прозѣ не досяг уровень своей поезии. Завершив свою литературную карьеру в револучны рокы 1848–1849, але, хоть його творба была невелика россягом, зарядив ся з нев меджи чоловых представительох Штуровской генерации.[1]
Поезия
[едітовати | едітовати жрідло]- 1844 — Nad Tatrou sa blýska
- Púchovská skala
- Svätý zákon
- Hrdoš
- Sokolíček plavý
- Preletel sokolík nad tichým Dunajom
- Slepý starec
- Po dolinách
- Vzdychy spod Lysice
- Kozia skala
Проза
[едітовати | едітовати жрідло]- Zhoda liptovská (новела)
Драма
[едітовати | едітовати жрідло]- 1846 — Siroty
Жерела и одказы
[едітовати | едітовати жрідло]- M. Remiašová. Janko Matúška. osobnosti.sk. http://www.osobnosti.sk/index.php?os=zivotopis&ID=58964. [перевірено 2020-01-10].словац.
- Katedra reči a literatúry československej [online]. //Encyclopaedia Beliana ISBN 978-80-89524-30-3. https://beliana.sav.sk/heslo/katedra-reci-literatury-ceskoslovenskej. [перевірено 2021-01-10]. словац.
- Daniel Hevier ml. (05.03.2019). Slovenská hymna má 175 rokov. Nadšenie jej tvorcu vystriedalo sklamanie a skončil pri hazarde. Hospodárske noviny History. https://history.hnonline.sk/starsie-dejiny/1901150-slovenska-hymna-ma-175-rokov-nadsenie-jej-tvorcu-vystriedalo-sklamanie-a-skoncil-pri-hazarde. [перевірено 2021-01-10]. словац.