Тигрис

Рѣка в Азии

Тигрис
тур. Dicle Nehri, араб. دجلة, Диджла
Тигрис, пензльом Абдул Кадир ал-Рассама (1882–1952)
Закладны числа
Довжка току	1850 км
Плоха базену	258000 км2
Проток в устю, середн.	1500 м3/с
Выток
Озеро Хазар, Турция 38°30′12″N 39°30′21″E (1248 м н.м.)
Устя
Шатт ал-Араб 30°34′56″N 47°46′17″E (4 м н.м.)
Путь до моря
Шатт ал-Араб -> Персийскый залив -> Индийскый океан
Тигрис на Викискладѣ

Тигрис (тур. Dicle Nehri, араб. دجلة, Диджла) — рѣка в Турции (cca 400 км) ай Ираку (cca 1400 км), а тыж часточно творить границѣ тых штатох зоз Сириов (42+5 км). В давнинѣ з выходу ограничовала стародавны територии Мезопотамии въедно зоз Евфратом на западѣ (сама назва „Мезопотамия“ походить з грецкого, а означать землю меджи рѣками). Тигрис 1850 км довгый. Базен мать плоху 258 000 km². Выток мать у выходной Анатолии, тече через полонину Джезире и значну часть Мезопотамской низины. В Ираку стѣкать ся въедно з Евфратом и творить з ним рѣку Шатт ал-Араб, яка занедовго пак ся вливать до Персийского заливу.

История

На тых добрых и теплых видѣках, што меджи рѣками Тигрисом и Евфратом лежать, жили найпервшы люде. Ту бивно росли датлѣ, фигы, хлѣбны дерева, и чоловѣк за ѣдло не быв у притиску.

В стародавных часах на берегах Тигриса было множество великых варошох, а його воды хосновали на поливаня земледѣлскых земель. Меджи нима майславный Ниниве, главный город давной Ассирии. Сесь такый великый быв, же його обсяг доходив до 12 миль, муры мав высокы, а так широкы, же на них три возы могли пройти еден пиля другого тай ся на завадити.

Ток рѣкы

Тигрис и Евфрат

Обѣ рѣкы, Тигрис як и Евфрат, вытѣкають зоз Арменской верховины. В зачатку все лѣпше и лѣпше росходять ся, а май дале ближать ся една ку другой, и город Багдад е то мѣсто, де майближе стоять една ку другой. Ниже Багдада зновель ся росходять, докы напослѣдь въедно ся стекуть и называють ся тогды Шатт ал-Араб; пак ота чинить велику делту и сыпле ся у до Персийского заливу.

Ток рѣкы зарегулованый гатями, при берегах суть заводньованы оазы. Найвекшый водоем Мосул быв заповненый в роках 1982–1985. Рѣка сплавна од Багдада цѣлорочно, од Мосула — лем в яри, при повени. Найвекшы варошы на берегах Тигриса суть:

• в Турции —
  • Диарбакыр;
• В Ираку —
  • Мосул,
  • Багдад,
  • Кут,
  • Амара.

Жерела и одказы

• Ласловъ Чопей. Водительна книга ко учѣню исторіѣ у народныхъ школахъ а разомъ воведеніе до науки исторіѣ для учителѣвъ и учительскихъ кандидатовъ / по мадярски написали Др. Кишшъ Аронъ и Маіеръ Микша, по руски передѣлавъ Чопей Ласловъ. Будапештъ: Мадярска Кральовска Университечна Книгопечатня, 1884. 
• Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6русс.

Референции

Тоты даны суть часточно або цалком основаны на перекладах статей Tigris на чеській Вікіпедії a Тигр (река) на російскій Вікіпедії.