Conossensa
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
La conossensa a l'é la familiarità con cheidun o con cheicòs, e a peul comprende fàit, anformassion, descrission, o le competense vagnà con l'esperiensa o l'educassion. As peul fesse arferiment a la comprension teòrica o pràtica d'un soget. A peul esse amplìssita (com n'abilità pràtica o n'esperiensa) o esplìssita (com la comprension teòrica d'un soget), ma a peul esse pi o men formal o sistemàtica. An filosofìa, lë studi dla conossensa as ciama epistemologìa. A-i esist pa gnun-e definission ëd conossensa anté tùit a sio d'acòrdi, combin ch'a-i sio vàire teorìe al rësguard. Ël pijé conossensa a veul dij process cognitiv complicà: përcession, comunicassion, associassion e rasonament; la conossensa a l'é ëdcò an relassion a la capassità d'arconossiment ëd l'òm. |
