Willa Kirrmaier-Ekarius

Dialegd: Schbaimarisch

Willa Kirrmaier-Ekarius

Die Willa Kirrmaier-Ekarius ischä dengmoalg'schidzdes Haus in Schbaija in de Boahhoofschdrooß 54 un 56. Die Willa ischs greegschd heaschafdlische Bauweag ausde Grindazaid in Schbaija.

Glääni Gschischd

Die Willa isch in drai Joohr vun 1889 bis 1892 als Dobbelwilla im Schdiel vunde Renesose gbaud worre. Dodzu hodde Aschidegd Heinrich Jester vun Schbaija roode Zischle un geele Soandschdää gnumme, wue die Willa um Uffdraach vum Zieschelaibsidza Georg Grund fa soi Familje un soi Deschda hodd bauwe losse. Die Zischle un onnares Baumaterial hodd de Fabrkond selwa heagschdeld un domid des Haus a als ä Aushengeschild fa soi Gschefd bnudzd. Zude Schdrooß hie isch die Willa midd viele Ornamend vazierd un hodd Tirml un Erga onde Egge. Om End vunde sibzischa Joa hodd die Schdadd Schbaija die Willa widda heag'rischd. Inne hoddma die Schduggdegge nemme redde kenne, awwa die Malaraije noch idaljenischem Voabild un die brunkvolle Drebbehaise. De ejemolische paagehnlischd Gaade hoddma vagläänad unde Zaun weggnumme.

Haid

Said de achzischa Joa isch do die Volgshochschul un die Schdaddbibliodeeg midd ihre uugefea 75.000 Bischa, Zaidschrifde un onnare Medije drin.

Bischa

• Kulturdenkmäler in Rheinland-Pfalz, Bd. 1, Stadt Speyer, 1. Aufl. 1985, Schwann, Düsseldorf, ISBN 3-590-31031-6

Websaide

 Commons: Willa Kirrmaier-Ekarius – Sammlung vun Bilder, Video un Audiodataie

• Online-Katalog (Web-OPAC) der Stadtbücherei Speyer
• Förderverein „Freunde der Stadtbibliothek Speyer"

Vawais

49.3214730555568.4299211111111