Ringschebeaschahof

Dialegd: Schbaimarisch

Die Haisagrubb Ringschebeaschahof lischd im Noade vun Schbaija un weschdlisch vunde Bundesschdrooß 9 un wude Ringschebeaschawesch duaschgehd.

Glääni Gschischd

Uaschbringlisch ischde Ringschebeaschahof mol ä glääni Haisagrubb vun Bauareheef gwesd. Schbeda hoddma donn doad mea Haisa zum Baischbiel fa Waldawaida gbaud. Schunn frie im 14. Jaahunad hawwn sisch die Raadsherre onde Laurenziuskabell, bnond nochm m'hailische Laurentius äm Meatira, oam Ringschebeasch fa'n Omdsschwua gdroffe. Onde Schdell vunde Keäasch hoddma donn schbeda ä Sienegraiz aus Sondschdää vun 1616, uaschbringlisch midde Inschrifd Warzeig Des Lorentz Heisels uffgschdeld. S'Graiz isch doan meamols umgschdeld worre un schded haid newede naije Kabell.

Haid hodds doad vaschiedenschde G'baide. Newe Wohnunge unde Laurenziuskabell, unnaonerem a ä Gschdied un ä Waldgaschdschdedd, die Laurenziuskabell, wu zude Parrai St. Konrad kead. Zudem isch do a die Londweadschafdlisch Unnasuchungs- un Foaschungsoaschdald Schbaija, wu do midde Unnaschdidzung vum Rhoilond-Pelsische Umweldminischderium 12.5 ha Vasuchsfelda bdraiwe un doad schemischi, fisikalischi, migrobiologischi Analise mache dud. Awwas wead a zum Baischbiel die Radioagdiwided vum Adomgrafdweag Filibsbuasch unnasuchd. Un doan hodds a ä Oirischdung vum Beziagsvabond Pals midd änna medeorologische Schdazion. Un doan isch do die LUFA a de Sidz vum Vabond vunde daitsch londwerdschafdlische Unnasuchungs- un Foaschungsoaschdalde.

Bischa unn Gwelle

• F. Klotz, Der Rinkenbergerhof bei Speyer: ein Beitrag zu seiner tausendjährigen Geschichte, in: Pfälzische Heimatblätter ,vol. 1, 1952/53
• D. W. Poeck, Rituale der Ratswahl, Zeichen und Zeremoniell der Ratssetzung in Europa, in: Städteforschung A/60, 2003, ISBN 3-412-18802-6, Google Books

Websaide

• LUFA Speyer
• Sühnekreuz Speyer
• Alte Steinkreuze

Vawais

49.3558638888898.415825