Jump to content

Joceline Clemencia

Di Wikipedia, e ensiklopedia liber
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Joceline Clemencia
Joceline Clemencia
Informashon básiko
Nasementu  30 novèmber 1952
Fayesimentu  30 mei 2011
Willemstad
Edukashon
Alma mater Universidat di Amsterdam
Informashon profeshonal
Ofishi eskritor
Imágennan riba Wikimedia Commons Wikimedia Commons
[Editá Wikidata] · [Manual]

Joceline Andrea Clemencia (☆ 30 di novèmber 1952 na Kòrsou – † 30 di mei 2011 na Kòrsou) tabata un lingwista, eskritor, feminista i aktivista pro independensia di Kòrsou. E tabata prinsipalmente konosí komo luchadó pa rekonosimentu di Papiamentu komo idioma ofisial di Antias Hulandes.

Biografia

[editá | editá fuente]

Prome añanan

[editá | editá fuente]

Joceline Clemencia a lanta den un famia grandi ku su mayornan Helena Engracia Andreas i Juan Manuel Clemencia.[1] El a sigui enseñansa sekundario na MIL na Otrobanda. Na Hulanda el a studia spaño na Universidat di Amsterdam i a dediká su tèsis na e poeta kurasoleño, Elis Juliana.[2] Despues el a promove na e mesun universidat den idioma i literatura spaño. Durante su tempu di studiante, el a bira enbolbí den diferente movementu aktivista, entre otro e protestanan mundial kontra e guera di Vietnam i e movementunan independentista di Antia Hulandes.[3]

Karera

[editá | editá fuente]

Na komienso di añanan ochenta Clemencia a kuminsá su karera na Kòrsou komo dosente di spaño, promé na Radulphus College i despues na Peter Stuyvesant College.[2] Un dékada despues e tabata direktor di Instituto Nashonal di Idioma (INI), tambe konosí komo 'Sede di Papiamentu'. E instituto tabata dediká su mes na promoshon di uso i enseñansa di Papiamentu, tareanan ku Fundashon pa Planifikashon di Idioma (FPI) a kontinuá for di 1998. Na 1996 Clemencia a dirigí e Instituto Kultural Independensia i despues tambe Skol Nobo, tur dos instituto di enseñansa el a fundá. Na Instituto Kultural Independensia tabata duna les di papiamentu, mientras ku na Skol Nobo, tabata duna les, pa tur edat for di 6 aña di edat, den materianan no inkluí den e programa eskolar na otro skolnan, manera historia di cultura, arte y estudio natural. El a skirbi huntu ku Omayra Leeflang e buki di Papiamentu, titulá Papiamentu Funshonal, ku a bira un standart den enseñansa sekundario.[4]

Aktivismo

[editá | editá fuente]

Un gran parti di su aktivismo tabata dirigí riba papiamentu i su supreshon. Dpor ku papiamentu tin su raiz den e negoshi di katibu, tabatin tiki sosten públiko den e sistema di skol hulandes pa su mantenshon of enseñansa. Clemencia a pleita pa estandarisashon i enseñansa di papiamentu, ya ku e tabata e idioma materno di e pais.[5] Den un rapòrt trahá pa UNESCO, el a pleita pa deklará papiamentu i ingles komo e idiomanan nashonal di Antias Hulandes. Mas promé na 1994 Clemencia a entregá un petishon ku 1422 firma na e presidente di Parlamento di Antias Hulandes, Lucille George-Wout, pa konsiderá tratamento di e proyekto di lei ku el a proponé for di 1986 pa igualá e idioma materno ku hulandes.[6][7] Finalmente, na 2007, a adoptá e Ordenansa Nashonal di Idiomanan Ofisial   ku Papiamentu komo idioma ofisial, huntu ku Hulandes i Ingles.[8]

Komo resultado di su estudio di idioma, Clemencia a skirbi tokante hende muhé i nan relashon ku idioma i komunikashon. E terminonan i kustumbernan, ku muhénan tabata usa den mensahenan tokante nan mes, tabata un di e temanan ku e tabata skirbi tokante dje.[9] Komo miembro di e Caribbean Association of Women and Scholars (ACWWS) el a partisipá aktivamente na konferensia i enkuentronan. El a promove un identidat feminista, ku ta rekonosé e diversidat di e muhé karibeño i su derecho di usa su propio palabranan, sea na hulandes, ingles, franses, spaño of un idioma krioyo. E idioma ku e persona ta usa ta definí un strategia di identidat.[10] Ademas di ta un feminista ferviente, Clemencia tabata kere ku emansipashon general, inkluyendo identidat, independensia i idioma, tabata krusial pa logra libertat polítiko.[4]

Clemencia tabata deseá prinsipalmente pa konsientisá e poblashon afro-kurasoleño di su orígen i e balornan kultural-históriko di e isla. Den e konteksto aki Clemencia a duna charla na Kòrsou i den eksterior tokante historia di Kòrsou i tokante e pasado di sklabitut.[11] Den esaki, el a enfatisá hopi bia ku na su bista e sklabitut na Kòrsou a kontinuá te kasi un siglo despues di su abolishon ofisial na 1863. P'esei e tabata spera ku e gobièrnu hulandes lo a ofresé un diskulpa ofisial pa su ròl den sklabitut.[12]

Den e preparashon pa e reestructurashon di Antias Hulandes, Clemencia a uni ku otro intelektualnan i a forma Grupo Pro Defensa di Kòrsou na 2006. Ku esaki, komo e promé persona den historia polítiko di Kòrsou, el a tuma e inisiativa pa forjá un aliansa di e partidonan di oposishon pa durante kampaña elektoral stòp e atakashonnan riba e autonomia di Kòrsou.[1] 13][14] Entre otro, huntu ku Anthony Godett di FOL, el a rechasá e deklarashon final ku e kondishonnan pa Kòrsou bira un pais den Reino Hulandes. Clemencia tabata tambe fundadó i presidente di e partido polítiko Partido Independensha Kòrsou.[1] E tabata un di e promotornan di e idea di independencia di Hulanda. 15][16] Ya na e referéndum polítiko na 1993 el a mustra su mes na fabor di opshon D, independensia.[ 17] Den e kuadro di un koperashon ku FOL, Clemencia a presentá komo kandidato riba e lista di FOL den e elekshonnan di Konseho Insular di 2007. El a risibí 82 voto di preferensia.[1] 18] Sinembargo, despues di e elekshonnan, FOL a bai huntu ku PAR i PNP, ku tabata na fabor di e deklarashon final.[ 19] Segun Clemencia, e deklarashon final a sigelá e debilidat di e islanan antiano. Poco despues, su malesa a oblig'é a retira for di polítika.

Bida privá

[editá | editá fuente]

Clemencia tabata kasá ku Frank Kirindongo (tambe konosí komo Frank Quirindongo), ku ken e tabatin tres yu promé ku nan a divorsiá.[3] El a fayesé dia 30 di mei 2011 na Willemstad despues di un bataya di dos aña kontra kanser di pecho.[12]

Obranan selektá

[editá | editá fuente]
  • Papiamentu in het Curaçaos basisonderwijs (1987), Hacha: boletin mensual pa Antiano na Utrecht i besindario.
  • Perspektiva di morto den poesia di Elis Juliana (1987), Plataforma: revista di Plataforma di Organisashonnan Antiano
  • Een gewaad van Europese magie over het harnas van Afrikaanse magie: enkele aspecten van religiositeit in de poëzie van Elis Juliana (1987), Plataforma: revista di Plataforma di Organisashonnan Antiano
  • Het grote camouflagespel van de OPI : een thematische benadering van de poëzie van Elis Juliana (1989), KITLV, Leiden, ISBN 978-90-6718-017-7
  • OPI i e gran kamuflahe: tokante poesia (1989), Sede di Papiamentu, Kòrsou
  • The semiotics of dark clouds in songs and poems of Elia Isenia: art as female therapy (1992). In: Mundu yama sinta mira: womanhood in Curaçao, Fundashon Publikashon, '
  • Crime du fin de siècle: de eeuwige vernieuwingsintenties voor het Curaçaosche basisonderwijs, (1993), Black flash, Canada
  • Mi ta skirbi pa saka, frustrashon : vijf jonge Antilliaanse dichteressen, Lover, no. 4, (1993) p. 276-279
  • Op Curacao baart de vrouw ruimte, Surplus, jaargang 8, no. 5 (1994), p. 2-4
  • Suriname en het Caribisch gebied, Surplus, jaargang 8, no. 5 (1994), p. 2–19
  • Women who love women in Curaçao: from "Cachapera" to open throats: a commentary in collage, Feminist studies, jaargang 22, no. 1 (april 1996), p. 81–88, ISSN 0046-3663
  • Language is more than language in the development of Curac̦ao (1999), UNESCO Representative in the Caribbean, Kingston, Jamaica, ISBN 978-976-95037-5-5
  • Katibu ta galiña: from hidden to open protest in Curaçao (20011). In: English- and Dutch-speaking regions, J. Benjamins, Amsterdam, ISBN 90-272-3448-5
[editá | editá fuente]
For di "https://pap.wikipedia.org/w/index.php?title=Joceline_Clemencia&oldid=140293"