Melquiades (papa)
Melquiades (mòrt lo 10 de genier de 314) fuguèt lo 32en papa de la Glèisa Catolica Romana dau 2 de julhet de 311 au 10 de genier de 314. Succediguèt a Eusèbi (309-310) e fuguèt remplaçat per Silvèstre Ièr (314-335).
Probablament d'origina berbèra, fuguèt elegit per remplaçar lo papa Eusèbi mòrt exilat en Sicília per l'emperaire Maxenç. Capitèt de melhorar lei relacions ambé l'autoritat imperiala car Maxenç acceptèt finalament d'autorizar son eleccion e de levar lei mesuras repressivas còntra lei crestians. Aqueu melhorament fuguèt per la seguida confirmat per l'adopcion de l'edicte de tolerància de Milan en 313 que marquèt la fin dei persecucions anticrestianas. Après l'eliminacion de Maxenç per Constantin, s'installèt dins lo palais de Latran donat per la maire de l'emperaire novèu. I organizèt en 313 un concili per s'ocupar deis afaires de l'evescat de Cartage e condamnar l'eretgia donatista.