Güano
Lo güano es lo nom donat ais excrements deis ausèus marins e dei rata-penadas. Pòu èsser utilizat coma engrais gràcias a sa concentracion auta de compausats azotats (acid uric, proteïnas, oxalat d'amòni, fosfats e saus variats). Au sègle XIX, èra una ressorsa economica estrategica principalament extracha dins d'illas oceanicas, especialament dins l'archipèla perovian deis Illas Chincha onte l'espessor de güano agantava plusors mètres, e exportada vèrs leis Estats Units d'America, lo Reiaume Unit e França.