Concors de saut d'obstacles
Lo concors de saut d'obstacles (CSO) es un espòrt equestre que consistís a passar una tiera d'obstacles dins un òrdre precís. Cada obstacle es fach de barras mobilas que tomban en cas de contacte ambé lo cavau ò lo cavalier. L'objectiu es d'acabar lo percors sensa tombar de barras. Divèrsei variantas existisson ambé de diferéncias entre lei tipes d'obstacles e lei sistèmas de classament (penalitats mai ò importantas en foncion dei barras tombadas, cronometratge... etc.). Fa partida dau concors complèt d'equitacion qu'es au programa dei Jòcs Olimpics.