Galaxie

The printable version is no longer supported and may have rendering errors. Please update your browser bookmarks and please use the default browser print function instead.

Galaxie es li maxim grand individui konglomeratione de materie, kontenant steles, gase, polve, e planetes.

Galaxies komensa kom imensi nubes de gase, ek kel steles kondensa. Unesmim galaxie have nonreglari forme; lu kontena grandi quantitates de gase e polve in kel novi steles forma konstantim.

Lu jira e pos miliones de yares evolu en spiral forme. Nusen galaxie li milke-vie have dis forme e nusen sune lia in un spiral-brase.

Pos plusi miliones de yares, li spiral-brase falda vers li nukleus, e li resulte es elipsal galaxie kel kontena multi oldi steles e poki gase o polve. Li final forme de omni galaxie es sfere, pos tum lu pove evolu en nigri true.

Li galaxie maxim proxim nus es Andromeda, anke de spiral forme.

Galaxies emise radio-ondes, e li maxim forti fontes es radio-galaxies. Un grupe de tal galaxies, de spiral forme, es li Seyfert-galaxies nomisat segun li astronome Usani Carl Seyfert.