Seine-Maritime

Seine-Maritime
Våpenskjoldet til Seine-Maritime
Plassering
Administrasjon
Departmentnummer:	76
Region:	Haute-Normandie
Préfecture:	Rouen
Sous-préfectures:	Dieppe Le Havre
Arrondissement:	3
Kantonar:	69
Kommunar:	745
Président du conseil général:	Didier Marie
Statistikk
Folketal	Rangering 10.
-2004	1 245 457
Folketettleik:	198/km²
Landareal¹:	6 278 km²
¹ Franske landdata, som ikkje tar med elvemunningar, innsjøar, vatn og isbrear større enn 1 km².

Seine-Maritime er eit departement nord i Frankrike. Departementet ligg i regionen Haute-Normandie, og er kalla opp etter elva Seinen. Fram til 1955 vart departementet kalla Seine-Inférieure.

Historie

Seine-Inférieure var eit av dei 83 opphavlege departementa som vart oppretta 4. mars 1790 under den franske revolusjonen. Det vart danna frå delar av den tidlegare provinsen Normandie. I 1955 skifta departementet namn til Seine-Maritime.

Geografi

Departementet er i dag ein del av regionen Haute-Normandie og grensar til departementa Somme, Oise og Eure, i tillegg til Den engelske kanalen i nord og vest. Den viktigaste elva er Seinen, som munnar ut i Den engelske kanalen ved Le Havre.

Departementet inneheld kalkplatået i Pays de Caux og klippene ved kysten. Det finst to typar landskap her. Det tørre kalkplatået er hovudsakleg flatt og vert nytta til jordbruk. I tillegg er det forholdsvis djupe dalar gravne ut på platået. Dette er ofte noko overraskande for vitjande i området, sidan dei stort sett ikkje er synlege frå dei fleste områda av platået.

Demografi

Innbyggjarane i departementet vert på fransk kalla Seinomarins / Seinomarines.

Kultur

Handlinga i romanen La Place av Annie Ernaux finn stort sett stad i Seine-Maritime og skildrar hendingar og endringar som finn stad her på 1900-talet.

Bakgrunnsstoff

Wikimedia Commons har multimedia som gjeld: Seine-Maritime

• Prefekturet si nettside
• Offisiell nettside