Nissedal kommune
| Nissedal kommune | |||
| kommune | |||
 | |||
|
|||
| Land |  Noreg
| ||
|---|---|---|---|
| Fylke | Telemark | ||
| Adm.senter | Treungen | ||
| Areal | 905 km² | ||
| • land | 789 km² | ||
| • vatn | 116 km² | ||
| Folketal | 1 471 (1. januar 2024) | ||
| Målform | nynorsk | ||
| Ordførar | Ian Parry-Jone (Sp) | ||
| Kommunenr. | 4030 | ||
 Nissedal 59°04′35″N 8°31′06″E / 59.076388888889°N 8.5183333333333°E | |||
 Kart som viser Nissedal kommune.
| |||
| Wikimedia Commons: Nissedal | |||
| Nettstad: www.nissedal.kommune.no | |||
Nissedal kommune er ein kommune i Telemark fylke, som grensar til Fyresdal i vest, Kviteseid i nord, Drangedal i aust og i sør til tre kommunar i Agder: Gjerstad, Vegårshei og Åmli.
Kommunen omkransar innsjøen Nisser, og har fleire mindre vatn og innsjøar. Dei viktigaste næringsvegane er industri, kraft og småbruk. Kommunesenteret Treungen er den einaste tettstaden i kommunen.[1]
Nissedal kommune vart til i 1838, då han vart skild ut frå Kviteseid. Namnet stammar frå innsjøen Nisser. Kommunevåpenet har tre raude nisseluver på gull grunn og spelar på kommunenamnet.[2]
Næringsliv
[endre | endre wikiteksten]
Jordbruk er den viktigaste næringa i Nissedal, og kommunen har fleire smågardar. Skogen er viktig for gardsdrifta og det vert avverka om lag 21 000 m³ tømmer årleg. Seks kraftverk innan kommunen gir ein årleg produksjon på 535 GWh.
Det finst noko trevareindustri og produksjon av dyrefôr i kommunen. Turisme har òg vorte viktig dei seinare åra, og Nissdeal har både hyttegrender og campingplassar.
Geografi
[endre | endre wikiteksten]Nissdeal kommune er gjennomskoren av den 35 km lange innsjøen Nisser. Busetnaden held for det meste til på austsida av Nisser, med kommunesenteret Treungen i sør og Kyrkjebygda og Nordbygda i nord. Sør for innsjøen finst det moreneavsetjingar med store furumoar.
Dalføret langs Nisser har bratte sider, og frå der innsjøen ligg lyftar landskapet seg snøgt til ei fjellvidd med toppar på kring 800-1000 moh. Høgste punkt er Førheinutane på 1049 moh., som ligg på grensa til Fyresdal i nordvest.
-
Nisser, den største innsjøen i kommunen. -
Frå Telemarksvegen -
Nisserdam kraftverk
Samferdsel
[endre | endre wikiteksten]Riksveg 41 går gjennom kommunen frå nord til sør på austsida av Nisser. På vestsida av innsjøen går ein fylkesveg frå Treungen til Fjone og Sundsodden, med kabelferje til austsida. Fylkesveg 355 fører frå Tjønnefoss til Fyresdal i nordvest og fylkesveg 358 frå Drangedal over Gautefallheia til Treungen.
Kultur
[endre | endre wikiteksten]Det finst fleire hellemålingar i kommunen. Ved garden Trontveit på vestsida av Nisser finst ei hellemåling i ein ovande bratt fjellvegg. Denne stammar truleg frå bronsealderen. Ved Kvithamar lenger nord er det òg funne hellemålingar. Søraust for Treungen står Treungen kyrkje.[1]
Kjende folk frå Nissedal
[endre | endre wikiteksten]- Dagny Tande Lid (1903-1998), målar, illustratør og lyrikar
Fotnotar
[endre | endre wikiteksten]- ↑ 1,0 1,1 Jan Erik Nilsen (19. mai 2012). «Nissedal». Store Norske Leksikon. Henta 19. juli 2010.
- ↑ Eirik Helleve (28. oktober 2011). «Nissedal kommune, Telemark». Allkunne. Henta 19. juli 2010.
Bakgrunnsstoff
[endre | endre wikiteksten]- Nissedal kommune
- Vest-Telemark Blad - Lokalavis i Nissedal
- Historiske arkiv etter Nissedal kommune på Arkivportalen
 | ||