Nationen
| Nationen | |||
| Land | Noreg | ||
|---|---|---|---|
| Type | Dagsavis | ||
| Format | Tabloid | ||
| Grunnlagd | 1918 | ||
| Språk | Norsk | ||
| Opplag | 18.265 | ||
| Hovudkvarter | Oslo | ||
| Nettstad | http://www.nationen.no | ||
Nationen er ei landsdekkande avis med daglege utgjevingar som omtalar seg som «distriktenes næringsavis».
Hovudkontoret til Nationen ligg på Grønland på austkanten i Oslo. Avisa har avdelingskontor i Trondheim i tillegg til medarbeidarar og frilansarar over store delar av landet.
Nationen er ei fri og uavhengig dagsavis med uttalt formål å ta vare på «bygdefolkets og distriktas økonomiske, sosiale og kulturelle interesser». Prioriterte stoffområde for avisa er næringsliv, landbruk, politikk, samferdsel og EU. Avisa hadde fram til 1980-talet ei tilknytning til Senterpartiet, men har etter den tid vore politisk uavhengig.
Nettavisa til Nationen, www.nationen.no, har over 350.000 unike brukarar i månaden. Papiravisa til Nationen er den 11. mest leste i Noreg[1] og Nationen er ei av svært få aviser som reelt sett er riksdekkande i form av å ha abonnentar i omtrent alle kommunar i heile landet.[2]
Sjefredaktør er Irene Halvorsen. Ho har vore sjefredaktør sidan 2016.
Mediehuset AS Nationen er 100 % eigd av Tun Media. Dei største eigarane i Tun Media er Amedia (66,9%), Norges Bondelag (24,8%) og AS Nord Trøndelag (8%) etter at Tine, Nortura, Felleskjøpet Agri og Landkreditt selde seg ut i 2021[3].
Historie
[endre | endre wikiteksten]Nationen vart grunnlagd i 1918.
Opplagstal
[endre | endre wikiteksten]Netto opplagstal frå Mediebedriftenes Landsforening:
|
|
Kjelder
[endre | endre wikiteksten]- ↑ «Koronapandemien akselererer det digitale skiftet - over 1 million heldigitale abonnement», www.mediebedriftene.no (på norsk), henta 26. september 2020
- ↑ 26. 09.2020, klokken 00:00 Nationen mener Nationens lederartikler, «Takk til deg som leser Nationen!», Nationen, arkivert frå originalen 23. oktober 2020, henta 26. september 2020
- ↑ «Amedia blir majoritetseier i Tun Media». Nationen. Henta 21. september 2021.
- ↑ «Opplagstall», www.mediebedriftene.no (på norsk), henta 26. september 2020
- ↑ «Opplagstal». Mediebedriftenes Landsforening. Henta 21. september 2021.
- ↑ Mediebedriftenes Landsforening. «Opplagstall» (på norsk). Mediebedriftenes Landsforening. Henta 20. september 2022.
Bakgrunnsstoff
[endre | endre wikiteksten]- Offisiell nettstad
- Nationen Arkivert 2007-07-03 ved Wayback Machine. ved Medieregisteret.no
