Mahogni
Swietenia macrophylla.
Mahogni er namnet på treslag kjenneteikna av ein vakker raudbrun farge når det er polert. Trevirket er lett å bearbeida og motstandsdyktig mot termittåtak og vatn, noko som gjorde at ein tidlegare brukte det til å laga møbler og båtar. I dag er dei fleste former for mahogni verna som truga artar av CITES-avtalen.
Namnet mahogni blei først brukt om to tretypar i den nye verda; vestindisk mahogni (Swietienia mahagoni) frå Karibia og hondurasmahogni (Swietienia macrophylla) frå Sentral- og Sør-Amerika. Seinare er det òg blitt brukt om liknande treslag frå både Afrika og Asia. Alle desse høyrer til mahognifamilien (Meliaceæ).
