Lennart Carleson

Lennart Carleson
Fødd	Lennart Axel Edvard Carleson 18. mars 1928 Stockholm
Nasjonalitet	Sverige
Område	matematikk, Fourierrekkje, harmonisk analyse, kompleks analyse
Yrke	matematikar, universitetslærar, akademikar
Institusjonar	Uppsala universitet Stockholms universitet Uppsala universitet University of California, Los Angeles
Alma mater	Uppsala universitet Harvard University
Doktorgradsrettleiar	Arne Beurling
Barn	Caspar Carleson
Medlem	Det franske vitskapsakademiet Det Norske Videnskaps-Akademi National Academy of Sciences Det sovjetiske vitskapsakademiet Kungliga Vetenskapsakademien Det ungarske vitskapsakademiet Det russiske vitskapsakademiet American Academy of Arts and Sciences Finska Vetenskaps-Societeten Academia Europaea Royal Society American Mathematical Society

Lennart Axel Edvard Carleson (fødd 18. mars 1928 i Stockholm) er ein svensk professor emeritus i matematikk ved KTH i Stockholm, Uppsala universitet og UCLA. Han høyrer til slekta Carleson og er ein av dei fremste matematikarane i Sverige.

Liv

Carleson voks opp i Degerfors og disputerte i 1950 med Arne Beurling som rettleier. Carleson har blant anna arbeidd innan fourieranalyse og dynamiske system, og oppnådde verdsry med beviset sitt for konvergens nesten overalt for Fourierrekkjer for L²-funksjonar.

På midten av 1960-talet bidrog Carleson til verkeleggjeringa av Mittag-Lefflers forskningsinstitutt i Djursholm. Danninga av instituttet hadde vorte utsett på grunn av finanskrisa på 1920-talet. Dei neste ti åra innbaud Carleson dei mest framståande matematikarane innan sine forskingsområde for at desse skulle kunne jobbe i ein harmonisk atmosfære og bidra til utdanning av skandinaviske matematikarar. Sidan den tida har instituttet levt vidare og er eit av dei fremste i verda.

Carleson er enno ein aktiv forskar og rettleiar så seint som i 1998 doktorandar. Carleson er (2006) busett i Brottby i Vallentuna kommun, nordaust for Stockholm.

Carleson er medlem av Kungliga Vetenskapsakademien. Han vart utnemnd til æresdoktor ved Kungliga Tekniska högskolan i 1989.

Carleson vart tildelt Steeleprisen i 1984, Wolfprisen i 1992 og Sylvestermedaljen i 2003. Han vart 23. mars 2006 tildelt som første svenske den internasjonalen Abelprisen på 6 millionar norske kroner.

Kjelder

• Denne artikkelen bygger på «Lennart Carleson» frå Wikipedia på bokmål, den 11. januar 2012.
  • Wikipedia på bokmål oppgav desse kjeldene: